AXÎN TOLHILDAN / ANF / QAMIŞLO
Înîsîyatîfê Dayîkanê Aştîye yê Enternasyonalîstî ra 7 kesan Rojawanê Kurdîstanî zîyaret kerd. Înan ra Vervatoxa Femînîstanê Madrîdî yê Îspanya Consuela Nuneze derheqê zîyaretê xo de qisey kerde.
Nuneze dîktatorîya Erdoganî daye vîr û wina va: “Efrînijî hêrişê dewleta tirkî ver zaf tengayî ancenî. Ganî ma piştî bidê şarê Efrînî û waştişê agêrayîşê înan bîyaro ca. Keyeyî ameyî cêser fînayene. Dayîke, pî û domanî yewbînan ra ameyî cîya kerdene. No semed ra ganî ma wayîrê şarê Efrînî bivejîyê. Erdogan bextwaştoxan şuxulneno û welatanê teberî ra pere gêno. Wazeno ke bibo endamê Yewîya Ewropa. La hetê bînî ra qeydanê heqê merdiman gêno binê lingan.”
Nuneze çîyê ke aye ser o zaf têsîr kerdî ser o wina va: “Wexto ke mi Şorişê Rojawanî eşnawit zaf dîqetê mi ant. Mi nê ser o belgefîlmî viraştî. Bitaybetî wextê Efrînî de ma lingan ser o bî. Tewr zaf zî Têkoşînê Azadîya Cinîyan û komelkî bîyayîşê nê xoverdayîşî mi ser o tesîr kerd. Rojawan de ma dî ke şar senî dormeyê felsefeya Rayber Apoyî de ameyo pêser.”
Nuneze qiseykerdişê xo wina qedênaye: “Keynaya mi zî emegdara çapemenîye ya û Vakurê Kurdîstanî de qewimîyayîşan taqîb kerd. Keynaya mi xoverdayîşê kurdan û Têkoşînê Azadîya Cinîyan şinasnaye û mîyanê înan de cayê xo girewt. Wexto ke ewil keynaya mi waşt ke bêro Rojawan, ez tersaya. Labelê dima ra ez ameya mi dî ke keynaya mi cuyêka bi mana cuyena. Ez zî seba keynaya xo keyfweş a û her tim hetê aye û embazanê aye de ya.”