Weçînayîşê 24ê Hezîrane rê 16 rojî mendî û partî û namzedî rasteyan de hemleyanê xo yê peyênan kenî. Namzed û îdarekarê HDPyî ber bi ber, ziqaq bi ziqaq, taxe bi taxe bajaran gêrenî û şarî ra destek wazenî. Bitaybetî Edene, Mêrsîn, Şirnex, Tekîrdag, Îzmîr, Aydin, Manîsa, Şirnex û sewbîna xeylê cayan de bi beşdarbîyayîşê namzedanê bajaran xebatê sey kombîyayîşê şarî, akerdişê buroyan, zîyaretê esnaf û keyeyan, vilakerdişê vilawekan, werdê fitarî û sewbîna xeylê tewir xebatî ameyî domnayîş. Şar bi coşêko gird beşdarê xebatan bi û eleqeyêko gird nîşanê namzedan da. JINNEWS/AMED