Destpêka serra neweyî de zaf çîy bî vayî. Dezgehê Asayîşê Komelkî (SGK) zî muayene û dermanan rê mabenê sera 20 û 60î de vayî viraşt. SGKyî nêweşxaneyanê dewlete de sera 20, nêweşxaneyanê Cigêrayîş û Perwerdeyî de sera 40 û Unîversîteyan de zî sera 60 heqê muayene zêde kerd. Labelê tena muayene nê dermanan de zî vayî ame kerdiş. Babete ser o Serekê Dezgehê Kontrolkerdişî yê Şaxa Edene Muzaffer Yuksel, dermankar Mesut Kuçukosmanoglu û Mehmet Alî Gulşenî qisey kerdî.
Zêdebîyayîş do dewam bikero
Yukselî dîyar kerd ke ‘nêweşî nêeşkenî heqê dermanan bidî, zêdebîyayîşê heqê dermanan do nêweş û dermankaran bîyaro vera yewbînan’ û dewam kerd: “Dermankarî tehsîldarîyê dewlete kenî. Her ke dovîz berz bibo do vayî dewam bikero.”Kuçukosmanogluyî qiseykerdişê xo de wina va: “Şar wexto ke seba herînayîşê dermanan yeno ewil vaya dermanan pers keno. Dima ra ewnîyeno ke derman wayî, veradanî û şonî. Vayî tewr zêde tesîrê xo da şarî ser.”
Fatûra şarî rê birîyena
Mehmet Alî Gulşenî bale ant zehmetîyê ke şar anceno ser û wina va: “Vayîya dermanan girêdayeyê dolar û euroyan a. 20ê sibate de do kurê Euroyî raştkerdişêk bêro kerdiş û no zî do bibo sebebê sera 9 û 10 zêdebîyayîşê dermanan. Netîceyê neyî do tunika welatîyan ra bivejîyo û welatî û dewlete rê bibo barêko giran. Faturaya krîzê ekonomî şarî rê yena birnayîş.”
EDENE