Deze sima ra çemê Harcik ame zon, kemerê Nergîz bi asmen ra, esketê Baba Doxan ra vengê ceniyan yeno, koyê Bel simarê berba. Endi bi 40 serri ke xeyle dezan di, mayê û piyan. Porê sûre çeney û lazekî ke to dimera vejiyayi raye des hazaran verdi ra. Namê to bî sembolê tarîx, namê toyê namdar vilayê dîna bî. To teyna seweta kurdan nê, seweta pero ceniyan kam ci dugele ra bene va bibe, namê tekoşina, namê xoverdayena, namê vilê xo çot nêkerdena.
Jê Clara Zetkin, Rosa Luxemburg, en demê giranan de virniyede ca guretene ra, têkoşînane en giranan dayene de to esta. Pî û birayî ke çenekan cenê bene bandora xo, roştake to vila kerde, ci ra tersayi. Nika şoreşa ke namê ci şoreşa ceniyan ê Rojawana, roşta ke to vila kerde bi aya îlan bi. Ewro endi her kes namê şarê kurdî, têkoşîna ceniyanê kurdî nejdi ra naskene. Roze Korkes de kûrşî sero nesenaro, roze yena zîndana Amed de verva zilm girmikake bena berz, porê sûre bena. Çitûrkî 38’de sarê Dêrsim besenêkerde biqedne, zîndana Amed de kî bi zorvajiya xoya besenêkerde şoreşgeran biqedne. Tuyê riyê celladan kerdena onca raya ceniyan ra bî…. 2 serrî werte ra raverde hona na qetliam roştnêbî. Ya kî dewleta Fransa bi zonayis ser nêsona.
Her çî honda zelal werte de ro hama dawa avê nêsona. Demoke 3 cenî Parîs de qetil bi, a dem qale çarekerdene, qalê haştiye biyene. Demoke dewleta tirki û Hereketê Serbestiye wazene mesela kurdi bi qeseykerdena, muzakereyan çare bibo, a dem de na qetliam beno. Peyi na qetliam de zaf qûwete estê. Roşt kerdena na qetliam, werte vetena destanê tariya. Roşt kerdena na qetliam, roşt kerdena komployane bînan a. Roşt kerdena qetlîame Parîs, pûç vetena kayane qilerînan a. No qetliam ra piya virniya pero planan guretena.
Meral KUÇUK