Hişmendîya xopawitişî
Gerîlayê HPGe Bahoz Arjîn da zanayiş ke xopawitiş parçeyekî cuyayişî yo û destnîşan kerd ke destpêka bîyayîşê komeleyan hetanê nika formê pawitişê yewbînan esto. Arjîn vat ke şarê kurd mîyanê cuyayişeke bîyayişê xo temsîl kena de cuya û wina vat: “Waştiş û cuyayişê kurdan ra hêrişeko dijwar esto, no demê dewreyê hişmendîya xopawişî keweno û nika Rojawan de şarê ver xo û têkoşînê xo xopawitiş û xorayîrberdiş reyde aver dano.”
Gerîla Sîdar Erûh zî aşkera kerd ke AKP her tim çarçiweya xo de qewimyayîşan ra ewnîyena, vera kurdan zî polîtîkayê mujilkerdişê şuxulnena û hewl dana her qewimyayîşeke seba menfaetê xo kar bîyaro û nika AKP a dîktator û faşîstî reyde verê xo daya çekî.
Çalakîya cenîya azad
Gerîlaya YJA Stare Axîn Muş ciresna ke xopawitiş rayverîya cenî reyde yena kerdiş û ard ziwan ke cenîya bêkamî, bêîrade ameya veradayîş, no ser zî cenî wayîrê refleksekê hîna xurt a xopawitîş a.
Gerîlayê HPGe Baran Farqîn zî xopawitiş bi no rengî şîrove kerd: “Xopawitiş wayîrvejîyayişê nirxê komleye yo. Ca û mîsyonê xopawitişî mîyanê raştîya kurdan de babeteka bingeyîn o, raştîya kurd pêroyîya herikyayîşê dîrokî de raştîyeke bi zor, şîdet, teda, mêtingerî û asîmîlasyonî ra rî bi rî mendo, ser no bingeyîn a ke raştîya kurd xo bi xurtî pawitiş o.”
Gerîla Mîraz Agirî bal ant ser hesasîyetê ravêreyeya çareserî û wina peynî kerd: “Bi taybetê peynîya girewtişê Rayverê ma, hêzê serdest rayeko bîn waşt kurdan ser rîpelê dîrokî pank bikero, kurdan çin bikero, la peynî vîna ke nêeşkeno, no ser zî Rayverê ma reyde roniştmasaye la Erdogan masa rijna û dest pê hêrişê şarê kurd kerd, dijî no şar dest pê xopawitişî kerd û no zî waştişê şarî yo.”