Mudirê Beşa Weşîya Şarî Karanê Veterînerî Muhsîn Uyanik derheqê kampanyaye de qalî kerd û wina vat: “Ma xeylê cayanê şaristanî de cayê birnayîşê qurbanan dîyar kerdo. Eke welatijî biwazî eşkenê pê telefonan ma ra malumat bigêrî. Şaredarîya ma semedê kesê ke muxtacê hetkarî yî û semedê kesê ke Rojawan û Şengalî ra koçê Amed kerdê kampanyaya dayîşê qurbanan da destpêkerdiş.” 

Mudirê beşa Weşîya Şarî Karê Veterînerî Muhsîn Uyanık derheqê kampanya de malumat da û îzeh kerd ke înan hedrekarîya xo temam kerda .


Birnayîşê qurbanan

Uyanikî qalîkerdişê xo de îzeh kerd ke wazenê meseleya birnayîş û dayîşê qurbanan de welatîyan rê hetkarî bikerî û wina vat: “Ma cayê birnayîşê qurbanan dîyar kerdo. Cîhazê ma ê mobîl 300 kapasîte yê. Hem hîjyen hem zî ê cayan de gure bi otomatîk virazîyeno. Kesê ke wazenê meseleya dayîşê qurbanan de hetkarî bikerê eşkenê hesabanê bankayan de no muamele bîyaro ca. Ê hesabî keyepelê şaredarîya ma de ameyê dayîş. Emserr bi TL qurban 600 TL yo. Bi Euro zî 185 Euro yo. Bi dolar zî 205 Dolar o. Şarê ma eşkeno telefonanê 153 û 0549 412 56 30 bigêro. Telefonê ma 24 saete akerde yê.”


24 saet akerde yê

Uyanikî qalîkerdişê xo wina domna: “Hem şarê ma, hem zî şaredarîya ma nê meseleyan de bi tecrube yê. Qurbanî ke bêkontrol û nata weta de yenê tirakerdiş zirar danê weşîya merdiman. Wijdanê ma nê çîyan qebûl nêkeno. Ma meseleya tirakerdişê qurbanan de xizmet danê şarê xo. Şarê ma zî gereke xo biresno ma û no kar ma dir pîya bikerî. Ma na wesîle ra komîsyonêk ronaya. Ekîbê ma roja roşanî de mîyanê bajarî de gêrêne û teftîşan kenê. Eke welatijê ma qurbanêk birneneê lazimo ma rê telefon bikerî. Kam saete de çi wext wazenê eşkenê ma bigêrê.” 


Ma payîvê hetkarîya şarê xo yî

Endamê Meclîse yê Şaredarîya Bajarê Gird a Amedî û Zahît Çîftkuran zî vat ke: “Dayîşê qurbanî sunnetê Hz. Peygxemberî yo. No zî tewrêk îbadetî yo. Îbadetê qurbanî merdim keno nêzdîyê Homayî. Nika herbê xomîyanî ver Sûrîye, Iraq, Şengal û Kobanê ra zaf kesî welatê xo ra dur kewtî û şaristanê ma de yê. Ma pawenê ke şarê ma hetkarîya xo texsîr nêkero. Ma hetkarîya şarê Amedî pawenê.”

Semedê dayîşê qurbanî nimereyê Bankayan wina yê:

Şaxê Vakifbank a Amedî:

 TL rê İban TR91 0001 5001 5800 7303 8526 03

Dolar rê ÎBAN: TR59 0001 5001 5804 8015 7386 99

Euro rê ÎBAN:  TR81 0001 5001 5804 8015 7386 91 


 AMED