Dewijîy semeda ke persgirêke înan bêro çarekerdiş veng day serekê Şaredarîya Îzmîrî Azîz Kocaoglu û Şaredarîya Karabaglarî.
Dewijan ra Suleyman Gur ard ziwan ke Şaredarîya Îzmîrî semeda dewa Uzundereyî bi nameyê ‘zereyê dewa Uzundereyî’ yew plana îmarî da viraşt û wina domna: “Wexto ke şaredarî no plan ard, dew de cayêy ke şar heta nika tede cuyaynê seyî raşteya park û mekteb îlan kerd. Nîyamey dewijan ra qet çî nêpersay. Keyeyanî nê dewî zafê înan tapûyê ci çin o. semeda ke tapû çin o keyeyî seyî arsa asenîy.”
Problemê na dewe
Elîf Ozmen zî ard ziwan ke semeda ke dewe de plana îmarî çin o keyeyî nêşkenîy bêrîy xirabkerdiş û newe ra bêrîy viraştiş û wina domna: “Ma bi serran o na dewe de yî, la wazenîy ardan ma ra bigîrîy. Zaf ardêy ma zî xezîne rê ma, wexto ke ma wazenîy zî nêdanîy. Waştişê ma no yo ke wa tapûyanê ma bidîy.”
Bi qurnazî girewtîy
Alî Barat zî vat: “Wexto ke ardanê dewe qeyd kerdênê nînan ra 3 an 4 dolim seyî ardê xezîneyî nîşan day. Nêy ardîy nika Emlaka Mîllî rê mend. Ma wazenîy zî ardanê ma nêdanîy ma. Wextê xo de ma nînan rey eleqeder nêbî, înan zî bi qurnazî seyî ardêy xezîneyî nuştîy. Hezey ke ma eşnawit o, Emlaka Mîllî nêy ardan dano.”
OGUR AYDIN/ANF/ÎZMÎR