Wezaretê Karanê Zereyî yê Tirkan Hemşaredara Qoserî Nîlufer Elîk Yilmaze wezîfe ra vist dûrî û qaymeqamê qezaye Huseyîn Çam sey qeyûm herinda aye de tayîn kerd. Yilmaze destsernayîşê şaredarîye rê nêrazîbîyayîşê xo mojna û ame verê bînaya şaredarîye ke vizêrî ra dormeyê ci girewte yo. Yilmaze waşt ke debikewa bînaya şaredarîye, labelê polîsanê Tirkan nêverda. Nîlufer Elîk Yilmaze polîsan ra waşt ke dokumentê xo yo ke a wezîfe ra viste dûrî, bidê ci. Polîsanê Tirkan vat: "Eke bêhuqûqîye esta, şima do çare bikê û dima debikewê zereyê bînaya şaredarîye. Wextê ci bêro şima do bivînê."Hemşaredare Elîk Yilmaze hema zî verê bînaya şaredarîye de ya.
ANF/MÊRDÎN