Qezaya Amad Rêzan de welatijan bi vengvetişî xespkerdişê 24 şaredariyanê DBP rê hêrse xo arde zûn. Welatijî veciya pencera û balkonanê xo de, pê kuwayîşê tencik û tawe û fîtik cinayişa veng vet. Eynî waxte de şar nûmayişê çila hûnakerdişî zî viraşt. Wesayîtê ke raye ra viyertî ra înan zî qorna cina û paşt da nûmayişî. Nûmayiş her şoj seat 20.00 de dewam kena.
‘Şaredarî mal babiyê şima nî’
Per bîn ra Meclîsê Dadiyanê Haştî ê Amed zî pê eşkerakerdişî paşt da şaredariyanê DBP. Xelyek dadiyî vera qayyûmî hêrsin ameyî pêser. Eşkerakerdiş de Rafîyê Ozbey nameyê dadiyan o qal kerd. Ozbey veng da AKP û va ‘hinî bes o, dest xo leymin, gunîn şarê Kurd ser ra wedariyê. Dadî Rafîyê Ozbey hêrsê xo vera derbeyî qayyûmî bi nê vatişan arde zûn: “Şaredarî mal babiyê şima nî. Saziye şarî ye. No şar şaredariyê pê guwînê xo qezenc kerdî. Ma şaredariyanê xo de dizdan sey şima nêwazene.” Ozbey emegdarê perwerdeyî ke wazîfe ra geriyayî ê zî vist vîrî û vat: “Ma êr ra tepiya qijanê xo nêşawenê mektebanê dewlet.”
DBP û şar qayyûman nêsilasnenê
Şaradariyê DBP ke raştê derbeyî ameyî înan ra yew zî şaredariyê qezaya Riha Pirsûs o. Vera derbeyî, nobeda ke verê şaredarî de destpa kerd ramena. Welatijan arde zûne ke ê vera xespkerdişê îradeyê xo ê hetûn pênî tekoşîn kene. Hûnca xebatkaranê şaredarî zî dazûnayene ke bê îdareyo ke şar vîjno ê çoyna (kesî) nêsilasnenî. Hemşaredaranê DBP ê qezayanê bînan ê Riha Wêranşar û Hewag zî nobedê tekoşînî ziyaret kerd. Hemşaredarê Hewag Zeynel Taş qal kuwa AKP ya û vat eke paştê înan cira pîta wa newe ra vîjnayîş virazî. Bi îşgalkerdişî ê nêresenî cayê.
Xespkerdişî rê destûr nêdame
Hemşaredarê Wêranşar Emrullah Cîn zî vist vîrî ke şaredarî ke xesp bî senî zaf hetê şarî ra ray guretî û vat êr dest niya îradeyê şarî sero. La şar wayîrê îradayê xo vecîyeno û kewno ser. Hemşaredarê Pîrsûs Xelîl Akabaş zî arde zûnê ke ê tewr xebatkar û welatijan bi qerarîn tekoşînî rê dewam kene. Şaredarîyê Êlih û qezaya ci Kercews de zî eke qayyûm erziyo ci, dûştê derbeyî hay lingan ser şar wahar vijnayenê xo veciyeno. Welatijan arde zûne ke ê destûr nêdanî ke ço îradeyê înan xesp bikero.
DÎHA/STENBOL