Partîya Demokratîke ya Şaran (HDP) çend rojî verê Anqara de namzedanê xo daybî şinasnayîş û vizêr zî namzedî seba ke dest bi xebatan bikerî, şîyî herêmanê xo. Namzedê Amedî zî vera xo dayî bajarê Amedî û bi hezaran kesî şîyî namzedan ver. Namzedî dima ra bi hawayo konvoyî derbazê Rêxistina Bajarî ya HDPyî ya Amedî bîyî. Şar bi tilîlî û çepikan ameyî namzedan ver. Fotografê parlamenteranê tewqîfbîyayeyan zî ameyî kiriştiş. Yê ke rayîr ra derbaz bîyî zî destek dayî. Doman, extîyar, cinî, ciwan û karkerê înşaatî bi nîşanê serkewtişî destek dayî konvoyî. JINNEWS / AMED