Sari Îbrahîm emanetê Egîdî bi

Sari Îbrahîm ke 1ê Tebaxa 2006î de şehîd bi, serrgêra 13. ya şehadete xo de yeno vîrardene. Sari Îbrahîm ke mîyanê embazanê xo de bi hawayo ‘Zehmetkêş’ yeno namekerdene, Mazlûm Dogan û Egîdî reyde xebetîyayo û hemleya 15ê Tebaxe de bi hawayo aktîf ca girewto.

Kadroyanê serêkşan ê PKKyî ra Ramazan Toptaş (Sari Îbrahîm) 1ê Tebaxa 2006î de bi komployêk şehîd bibi û şehadete ci ser ro 13 serrî vîyartî. Sari Îbrahîmî wextê grûba ewilêne ya PKKyî de tevger nas kerd û serra 1978 de tewrê refanê têkoşînî bi. Mahsûm Korkmazî (Egîd) dir Botan de mîyanê yewîya ewilêne ya şerî de bi.

Emrê ciwanî de bala fermandar Sari Îbrahîmî şina serê têkoşînê şorişgêrî. Êliho ke tede xeylî fraksîyonî estbî, petrol newe amebi dîyene, karkerê petrolî û organîzebîyayîşê sendîkayan ameyêne rojeve. Pîya bi embazê xo yê domanîye Mahsûm Korkmaz û Gûrbet Aydine bi qehremanîya xo bajar de veng dayêne. Serranê 1970an de kadroyanê serkêşan ê PKKyî ra Mazlûm Dogan nas kerd û tewrê kadroyanê serkêşan ê Tevgerê Azadîya Kurdan bi.

Serra 1980 de fermandar Îbrahîm derbasê wareyê Lubnanî ke Ocalan tede bi. Dimayo ke wextêk Ocalanî dir mend vîyart Başûrê Kurdistanî û tewrê yewîya ke amadekarîya Hemleya 15ê Tebaxe kerdêne bi. A game Botan de xeylî xebate kerde û amadekarîyî kerdî.

Bi hawayo aktîf tewrê hemle bi

Endamê Komîteya Caardişî ya PKKyî Dûran Kalkanî qala Sari Îbrahîmî kerde. Kalkanî va ‘Payîzê serra 1982yî de embaz Îbrahîm mîyanê grûba agêrayîşê welatî de bi’ û wina domna: “Bi hawayêko aktîf tewrê prosesê amadekarîya Hemleya 15ê Tebaxe bi û karê bicabîyayîşê Botan, Zagros û Behdînanî de rolê ê zaf bi.”

Vilabîyayîşê gerîlayan de rolê ey gird bi

Kalkanî da zanayene ke dimayê Hemleya 15ê Tebaxe seba mendekerdişê na hemleye pîya bi fermandar Egidî Botan de wezîfeyê zaf muhîmî bica ardî û wina dewam kerd: “Seba mîyanê şertanê tewr giranan de morê xo da xeylî serkewtişanê tarîxîyan ro mîyanê embazanê xo de sey ‘Zehmetkêş’ ameyêne naskerdene. Rolê fermandar Sari Îbrahîmî vilabîyayîşê gerîlayan ê herêmanê Botan, Amed, Dêrsim, Başûrrojawan, Amanos, Deryaya Sîyaye, Koçgirî, Deryaya Sipî, GAP û herêma Serhedî de gird bi û dereceya berpirsîyarî û fermandarîye de gureyî bica ardêne.”

Serrgêra 13. de yeno vîrardene

Fermandar Sari Îbrahîmo ke her firsend de şîyêne verê Rayberê Şarê Kurdî Ocalanî û bi hawayêkê sîstematîkî tewrê perwerdeyan bîyêne, bi hawayêkê hîna xurtî agêrayêne wareyanê têkoşînî. Gama ke Ocalanî dir bi ê nizd ra şopna, bi pêgirewteyîyêka girde kerd ke rayîr û metodanê ê pratîk de bica bîyaro. Fermandar Sari Îbrahîm bi durustî, kedkarî, afernayoxî û pêgirewteyîya xo hetê şar, rayberî, partî, mucadele û hemrayanê xo ra ameyêne naskerdene. Mîyanê Tevgerê Azadîye yê Kurdî de mîlîtananê nimûneyan ê tarîxê gerîlayan ra bi. Serrgêra 13. ya şehadetê ê de her herêmanê gerîlayan de hetê gerîla û fermandaranê gerîlayan ra yeno vîrardene.