Dewa Akgedîkî ya Manîsa de seba awanîyanê TOKÎ tesîsê avguzanîye bêro viraştiş, darê çamî yê 10 serreyî kokê xo ra ameyêne vetiş, labelê cinîyanê dewe bedenê xo kerdî sîper û nêverdayî ke darî bêrî vetiş. Cinîyan dîyar kerdî ke înan bi destanê xo ê daran10 serrî verê ronaybî û tesîso ke yeno viraştiş do dewa înan lêmin bikero.
Dewijan xoverdayîşê xo vistî vîrî û wina vatî: “Ma 2 rojî xover da û ma viraştişê tesîsî da vindarnayîş. Dima ra zî ma avûkatê xo reyde muracatê mehkeme kerd. Ma do doza xo taqîb bikerî û se beno wa bibo, ma do destûr nêdî viraştişê tesîsî rê.”
MANÎSA