Qirbîyayîşê Ermenîyan hona zî paweyê edaletî ya. Seba vîrardişê Qirbîyayîşî Paytexta Swêd Stockholm de programî ameyî viraştiş û dormeyê kesê ke qirkerdişî de merdbî, hukmatê Swêdî ra ca ardîşê qeraran taleb kerdî.
Programo yewin 2 rojî verê serê sibayî hetê Federasyonê Ermenîyê Swêdî ra ame organîzekerdiş û îqtîdarê AKP û dewleta tirk ameyî rexnekerdiş. Vizîr saet 17.30 de zî qurbanîyê qirkerdişî bi programêk ameyî vîrardiş. Programan de Alma Johanssonî ke bîbî şahidê qirkerdişî û medyaya dinya de qirkerdişî dabî îzehkerdiş, nêame vîrîkerdiş û saetê serê sibay de mezelê Alma Johanssonî ser o mumî ameyî tafînayîş.
Tîrkîya înkar kena
Saet 12.00 de zî Parkê Humle ra heta Konsolosîya Tirkîya çalakîya meşîyayîşî ameye viraştiş û sloganî ameyî eştiş. Beşdarvanî pankartê ‘yeno ma vîr cok ra ma edalet wazenî’ û xeylê pankartî akerdî. Derheqê qirkerdişî de Natalîe Demîrîane rojnameyê Metro de makaleyêk nuşte bî û wina vatbîye: “Kesê ke tarîx ra ders nêgirî do şaşîyan bikerî û mehkumê domnayîşê qirkerdişî yî. Tirkîya qirkerdişî înkar kena. Ganî Tirkîya netîceyê înkarkerdişî zî qebul bikera. Sebebê nêqebulkerdişan beno ke qirkerdişê newe bibî yî.”
MURAT KUSEYRÎ / ANF / STOCKHOLM