Rayberê Şarê Kurdî Abdullah Ocalan 18 serrî verê ewro hetê hêzê komplogeran ra teslîmê Tirkîya amebî kerdiş. Babete ser o Hemsereka Kongreya Komelê Demokratîke (KCD) Leyla Guvene qisey kerde. Guvene va ‘hêzê komplogerî bi Komploya Mîyanneteweyî waştênê ke kurdan îdare bikerî û dest ronî heme dewlemendîya çar parçeyanê Kurdistanî ser de. Labelê raştîya Raybero ke vernîya nê waştişanê înan de asteng bîyêne, estbî. Çîyo ke ma nika cuyenî Şerê Cîhanî yê 3. o. Birêz Ocalan nê şerî verê ra dîbî.”
Nêresayî hedefê xo
Guvene bale ante çîyê ke roja 15ê Sibate 1999 de qewimîyayî ser û wina va: “Hêzê mîyanneteweyî wexto ke Ocalanî teslîmê Tirkîya kerdî, ci ra vatbî ‘ganî şima îdam nêkerî, labelê ganî şima tewqîf bikerî. Ma zî do rêxistine biqedênî.’ Hedef no bî, labelê pê nêame. Çimkî Serewedaritişê Şêx Seîdî ra nata heme serewedaritişan ser o yew a yewe cigêrayîş kerdbî. Cok ra Birêz Ocalanî va ‘Ez hema zî biratîya kurd û tirkan pawena. Seba mi ya muhîm naskerdişê hêzê mîyanneteweyî yê estena kurdan bî.’ Birêz Ocalanî bi pawitişanê xo komploye veng vete.”
Sey tîjêk akerdo
Guvene dewamê qiseykerdişê xo de wina va: “Vera koplo de bi seyan merdiman bedenê xo da adirî ver. Polîtîkayê ke Rojhelato Mîyanên de yenî meşnayîş, şorişo ke Rojawan de pê ame nîşanê ma da ke şarî êdî dîktatorî qebul nêkenî. Seba azadîya Ocalanî tena kurdî nê, ganî heme şarê Rojhelato Mîyanên û dinya têkoşîn bidî. Birêz Ocalan seba Rojhelato Mîyanên şansêk o û sey tîje Rojhelato Mîyanên ser de akerdo. Ganî her kes nêyî baş fam bikero. Qet şik çin o ke ma cinîyî do rayberîya nêyî bikerî. Ganî heme komelî na babete de hesas hereket bikerî û nê firsendî nêremnî. Ancax o wext na gonîya ke bi serran o herikîyena, eşkîyena bêro vindarnayîş.”
ŞÛJIN/AMED