DÎLAN BABAT/ZEYNEP DURGUT/ŞÛJIN/BEDLÎS
Cinîyê ke domanîya xo de bi zorî yenê zewijnayîş hetê camêrdan ra raştê îşkenceyo sîstematîk yê fihuşî yenê. Cinîya bi nameyê S.Dya ke nika 28 serreyî ya û 14 serreyî ya xo de ameya zewijnayîş nê cinîyan ra yew a. S.Dya ke qezaya Tetwanî ya Bedlîsî de cuyena hetê pîyê xo ra keso bi nameyê Bîlal Dyî bi zorî yena zewijnayîş û 6 domanê S.Dye virazîyenê.
Domanê S.Dye nika yurd de yî û S.D seba girewtişê domananê xo têkoşîn dana.
Ma bi aşman vêşan mendî
Babete ser o S.Dya ke vera deynê pîyê xo de ameya zewejnayîş, wina va: “Kumar û alkolê mêrdeyê mi estbîy û dayêne mi ro. Ez nêeşkaya deyax bikera û mi xo eşt bextê keyeyê xo. La keyeyê mi wayîr bi mi nêvejîya û ez mecbur menda ke peyser biagêra. Ez û domananê xo ma bi aşman vêşan mendî. Bîlal seba pereyî fihuş mi ser de da ferzkerdiş. Seba ke mi qebul nêkerd mi kut. Ez şîya qereqol la ê zî mi rê wayîrtî nêkerdî. Şîddetê Bîlalî ver domanêk mi vera şî. Êdî mi nêşîna bivindera û ez remaya. Domanê mi zî keye de mendî. Nika ez kafeyêk de xebetîyena. Domanê mi dîyayî yurdî. Ez seba girewtişê domananê xo têkoşîn dana û ez do rojêk înan bigîra hetê xo.”