Yewîtîya Velîyê Kurd ê Berlîne (YEKMAL) nê 20 serrake velîyê kurd ra xebatê tewir kena û xizmet dana. YEKMAL di ziwanê, ziwanê kurdî û almankî de bi nameyê PÎYA de haluna domanan akerd. Xebatê PÎYA ser mûdira YEKMALî pedagog Gunay Darici vat ke no xebat do bingeyîya dibistana kurdî bibo û malbatake ser piro PÎYAye bikerê zaf bi avantaj bibî, çimkî zaf ziwanê seba yew merdimî dewlemendî yo.

Darici aşkera kerd ke YEKMAL serra 1993’ê de ame ronayiş û YEKMAL xebateke yew malbatî ya û wina domna: “Ma sifteyin waştê seba malbatan têkilîronayişî sazîyan biakerê. No ser zî ma hedef kerdî ke do serra 2012’ê de yew halun biakerî. Ma sifteyin zaf pirsgirêk ont û no ser zî projeyê ma tikey zî bibo êre mend. Di normalî de zaf hêzê ma çinîbi la ma bi hêzê xo yew kome ronay. Nê embazê ma zî bi zerrî xebityay. Hema zî di zaf hûmarîy de embazê bi zerrî xebityenî. Ma seba halune ca vînayişî de pirsgirêk ont la ma çareser kerd.”


BI DI ZIWANÊ XIZMET
Darici destnîşan kerd ke seba ê tewr muhîm qewimyayiş hetkarîdayişî Senato bîyo, eke Senato hetkarî nêdaynê do ê nêeşkîyaynê binê no projeyê serfiraz bibî û wina dewam kerd: “Senato ma ra hetkarîyek gird da. Finak Senato seba akerdişî ma ra hetkarî da. Nika Ewropaye de halunake bi ziwanê kurdî û almankî dona çinyo, ma no halun virazenî. Ma sifteyin bi ziwanê almankî û kurdî pirtûkan vetî û nê pirtûkan bingeyîya na halune viraşt. Ma bawereke do ma bingeyîya dibistane zî bierzî. Di Berlîne de tay sazîyê kurd halunan akerdî, nê sazîyan kurdî û almankî ders nêdanî. Avantajê ma, ma bi di ziwanê xizmet danî. Nika 4 mamosteyê ma est î û di mamosteyê ma almankî qal kenî, di mamosteyê ma zî kurdî qal kenî. Do domananê ma heme xizmetî bi di ziwanê bigêrî.”

BÊRÊ HALUNA XO
Darici ciresna ke na halun her kesî ra akerde ya û wina domna: “Nika di halune de domananê bîyanîyan zî est î. Finak arnavut û ereb est o. Ma aşkera kenî ke di na halune de tena bi ziwanê kurdî û almankî yena qise kerdiş. Taybetê domananê kurd, ziwanê xo zaf averberî. Ma wazenê, ziwanê kurdî aver berî. Di na halune ma de seba domanan yew mufredat est o û çarçiweya no mufredatî zî waran est î. Finak ziwan, çalakî, xebatê kreatîf, muzîk û sewbî waran est î. Di nê waran de domanan averberdiş şert o. Plankerdişê ma pêroyin est o. Ma mamosteyî xo bi zehmetî resnay. Ez no projeyê kurdan ra yew xizmateke gird vînena. Ma do perwerdeyî ra 17 teşrîne de destpê bigerî, ma heme domananê kurd ra veng danê.”



HIDIR ATEŞ / BERLÎN