DÎREN YURTSEVER / MA/ANQARA
Çalakîya grevê vêşanî ya Nurîye Gulmene û Semîh Ozakçayî roja 269. de dewam kena. Seke yeno zanayîş 27ê teşrîna peyêne de mehkemeya înan ameye dîyayîş û qerarê taloqî amebî dayîş. Gulmene derheqê taloqbîyayîşê mehkeme de bi mabênkarîya avûkata xo Duygu Demîrele mesajêk erşawite. Gulmene mesajê xo de wina va: “No qerar ecizîya mehkeme nîşan dano. Tehlîyenêbîyayîşê mi, zorê mi nêbeno, seba mi çîyo esasî xoverdayîş o. Labelê ê sere ra nata bêçare yî. Çimkî hewl danî bi dosyayêka virtûvala ceza bidî ma. Ma zaf bihêz î. Ma hêzê xo şarî ra gênî. Cok ra ma qezenç kerd û ma do qezenç bikerî zî.”
Avûkate Duyge Demîrele wina va: “Eke Nurîye Gulmene tesdîq bikero, do roniştiş de ca bigîro.”