Dayika Hulyayî Hurrîyet Keser kêna xo ser vat ke tena yew kênaya est bîya a zî Hulya bîya, a zî zanana ke bedelê azadîyê est o û wina vat: “Bedelê azadîya kurdan zî Hulya, Berîtan û Egîd ê. Zey heme dayikê kurd, zerrê min rûmedar a. Tena ez xemgîna ke kêna min dema ke beşdarê HPG bi, min xatir nêwaşt. Kêna min huyaker û cesûr bi. Hulya seba min, tena yew doman nê, eynî dem zî yew embaz bi. Hulya min ra zaf hes kerdî, dema ke ez nêweş bîynê, tena a min reyde elaqadar bîynê la min bander bike kêna min, Tevgera Azad min ra hîna zaf hes kena.”
AZADÎ XO WAŞTÊ
Keser aşkera kerd ke a di Hulyayî de sefirazîya cenîyê dîya û no ser zerrî a rûmetdar a û wina domna: “Êdî cenî tena di banê xo de nêmano û mêrde çi kar keno se, êdî cenî zî bikero. Hulya her tim pîyê xo reyde seba azadîya cenîyê nîqaş kerdî, qet heqeret û zilmî qebul nêkerdî. Hetanê di domanê xo ra her tim di zereyê a de yew rûhê xoverodakar estbi. Merdim verba Hulyayî zaf huyaynê û no taybetîyê xo ser di dorûverî xo ra zî zaf elaqa veynaynê. Dema ke Kobanê yena vatiş di no demî fikrê min kêna min yena. Ez zanana ke eke Kobanê azad bibo do ez kêna xo ra biresa. Çimkî berîya kêna min azadîya Kobanê yo.”
Keser ciresna ke Kobanê dayika ma ya û no ser zî Kobanê ra hetkarî bibo û wina vat: “Hetanê nika tewr gird qezencê kurdan di Kobanê de qezenc kerdî û di zaf hûmarîy de welate zî na serfirazîya kurdan hezm nêkenî û no ser zî bi destê DAIŞê hêrişê Kobanê kenî. Eke do Kobanê bikewo, haysîtê ma bikewo. Ez heme kurdan ra veng dana; roj, roja xo rotişî nîyo. Roj roja namis û rûmetî yo. Ganî herkes Kobanê ra wayîr bivejo.”
VÎLDAN ATMACA/JINHA/WAN