Înternetî ser ra vera pêroyê Koyê Mizurî yê Dêrsimî sey wareyê madenî îlankerdişî de kampanyaya îmzeyan ameye destpêkerdene. Kampanyaya ke adresê Change.orgî ser ra ameye destpêkerdene, demo kilm de nêzdîyê 3 hezar kesan îmze kerd. Kampanya de bale ame antene serê rîndîya tebîetê Dêrsimî û ame waştene ke wa Wezîrîya Dorme û Bajarîye qerarî betal bikero. Hetê bînî ra Weqfê Pawitişê Cuya Tebîî (WWF) Tirkîya bale ante serê Mizurî. WWF Tirkîya hesabanê xo yê medyaya sosyale de bi etîketê #MunzuraDokunma (Dest mede Mizurî) da zanayene ke sey Koyanê Kazî, Mizur zî rîyê faalîyetanê madenî ra binê tehlukeyî de yo.
PÎRHA/DÊRSIM