FÎLÎZ ZEYREK / JINNEWS/EDENE
Bekçîyê tax û çarşiyî rê selahîyatê persayişê nasname, vindarnayişê wesayîtî, gêrayişê merdimî û şuxilnayişê çekî dayişê ser o Qanûnê Bekçîyan ame hadrekerdiş û no qanûn zî Komîsyonê Karê Zereyanî yê Meclîsî ra vîyart. Cenîyan vatî ke no qanûn bi xo de vera cenîye hêriş û sewbî persgirikan bîyaro.
Anı Bayram babete ser o vat ke çi heyfo no welat de cenîyan nînî pawiyayiş, armancê AKP û MHPî, îqtîdarê xo zexmkerdiş o û wina vat: “Ma qanûnan vînenê, vera kiştiş, tacîz û tecawizê cenîyan de kêm manenê. Bi no qanûn îqtîdar xo pawiyeno. Ma aşkera na raştîn zanenê.”
Çîgdem Kayhan dîyar kerd ke hema zî ê fam nêkerdî ke seba çi selahîyatêko ona hera bekçîyan ra yeno dayiş û wina domna: “Ma persenê, bi no dayişê selahîyatê bekçîyan ra îqtîdar xo rê arteşêk awan keno. Ameyoxê ma de persgirikê gird ma pawiyenê. Ma sey cenîyan do têkoşînê xo bidomnê.”
Cenîyan ra qey nêpersenê?
Dîlek Sureklî zî wina dewam kerd: “Bekçî demo vîyarte de zî estbî, wezîfeyê ci, cenayişê fitikî bî. Yew kesêko perwerde nêgirewto, nêeşkeno ma bipawo. Muxalefet qey bêveng o. Qey cenîyan ra nêpersenê.”