Pêroyina Dinya û Tirkîya de seba ke tedbîrê cidî nêameyê girewtiş, vîrûsê Koronayî bi lezî vila beno. Sifteyina vilabîyayişî vîrûsî na roje ra Rayberîya Xoser a Rojawanî tedbîrê cidî girewtê û sifte qerarê qedexeyê tebervejyayişî girewt û no ser zî nika hedîseyê Vîrûsê Koronayî nîno dîyîş. Meclîsê Pêroyina Eşrefîyê û Şêxmeqsûdî yê Helebî, seba hetkarî şarî 5 hezar kolî vila kerdê, mîyanê nê kolîyan de cil û werdê binge estê. Malbatê ke rewşa înan weş nîyê û karkeran ra taybetî nê kolîyan ameyê vilakerdiş. Taxa Eşrefîyê ra 250 kolî, Şêxmeqsûrî ra zî 4 hezar û 750 kolîyê ameyê vilakerdiş. Babete ser o Hemsereka Meclîsê Pêroyina Eşrefîyê û Şêxmeqsûdî Valentina Ebdo dîyar kerd ke nê kolîyan ê çarçiweya tedbîranê xo de hadre kerdê û şarî ra vila kenê û vat a taybetî HPC, qewetê zereyî û sazîyan ra spas kena. QAMIŞLO