Edene de C.Syo ke îdarekarê apartmanî yo, kênaya bi nameyê A.Yya 15 serreyî ya wezîfedarê apartmanî nizdîyê 4 serran îstîsmar kerd. Dima ra wexto ke hedîse ame eşnawitiş, cezaya hepsî ya keyeyî dîyaye C.Syî.
Babete ser o Avûkate Sevîl Araci Beke qisey kerde.
Avûkate Beke dîyar kerde ke ê bi madeyanê ‘îstîsmarkerdişê cînselî yê domanan û tehdît’ ra muracatê doze kerd û wina dewam kerde: “Herçiqas ke vera îstîsmarkar û keyeyê ci de qerarê pawitişî yê mexdûre ameyo girewtiş, reyna zî mexdure hetê înan ra yena tehdîtkerdiş. C.S mexdure û keyeyê aye ser de zextan keno ke wa fek gerreyî ra vera bidî. Ma seba ke C.S bêro tewqîfkerdiş, muracatê mehkeme kerd.”
Ganî cinîyî piştî bidî yewbînan
Beke dewamê qiseykerdişê xo de va ‘A.Y nika trawmayêk cuyena û hetê psîkolojîyî de destek gêna’ û wina domnaye: “Hetta ke hêzê ma bibo, ma do mudaxaleyê hedîseyanê winasîyan bikerî. Ma hewl danî beşdarê dozan bibî û dozanê winasîyan taqîp bikerî. Ez veng dana heme cinîyan ke wa vera hedîseyanê winasîyan de piştî bidî yewbînan.”