Nizdîbîyayîşê referandûmî de aşkerakerdişê fikir û dîyarkerdişê hetan zî zêde beno.
Grûba hetgiran vera endustrîbîyayîşê futbol, demokrasî û aştî de medyaya sosyalî ser de kampanyayêka bi hastagê #OzgurTrîbunlerÎçînHAYIR dayî destpêkerdiş. Hetgirê Grûba Kaplanpenche yê Adanasporî medyaya sosyalî ser de hetê xo aşkera kerdî û vatî ‘ma do referandûmî de vajî Nê.’ Endamê grûbî ra Ferhat Çelîkal û Sergen Şîmşekî qisey kerdî. Çelîkalî qiseykerdişê xo de wina va: “Badê kampanyaya Ridvan Dîlmenî ma qerarê kampanyayêka bi hashtagê "#OzgurTrîbunlerÎçînHAYIR" da destpêkerdiş.
Futbol de endustrîbîyayîş esto û sey haletê sîyasetî yeno xebetnayîş. Îqtîdar seba rey, rant û reklamî her firsendî de futbol keno haletê propagandaya sîyasetî.”Şîmşekî zî qiseykerdişê xo de wina va: “Ma hetgirê sosyalîst î. Ma rejîmê kesêk û dîktatorî ra vanê nê. Ma trîbunan de xebatanê kampanya meşnenî. Trîbunî cayê xebatan î. Ma slogananê patronan nê, yê karmendan erzenî. Ma do vengê xo hîna zaf berz bikerî. Ma do vera sîstemê kesêk de demokrasî bipawî. Seba aştî û demokrasî Nê.”
EDENE