Referandûmî ra tena 5 rojî mendî. 5 rojê peyênan de mîtîng û amadekerdişî resayî merheleya xo ya peyên. Heme cayan de xebatî yenî domnayîş û xeylê kes, het û cepheyî fikrê xo aşkere kerdî. Nînan ra yewe zî karmendî yî.
Kedkarê Egîtîm Senî yê Mêrdînî Aslihan Sezere û Mustafa Berlîyî ke bi Qerarnameyê Hûkmê Qanûnî (KHK) gureyê xo ra ameybî îxraçkerdiş, qisey kerdî û seba çi do referandûm de vajî nê, sebebê xo vatî.
Endam û mamostaya Egîtîm Senî Sezere qiseykerdişê xo de wina va: “Eke sindoqan ra netîceyê nê bivejîyo do rojê başî bêrî. Seba ‘nê’yî betalîya mi daxî sebeb o. Sîyasetê kesêk dewre de yo. No sîstem yeno manaya xokiştişê welatî. Seba ke îxraçkerdişî nêbî, ma do referandûm de vajî nê.”
Demokrasî mumkin a
Kedkaranê perwerdeyî Berlîyî zî wina va: “Selahîyet dayîşê kesêk yeno manaya bêvengkerdişê komelî. Seba ke ma demokrasî pawenî, ma do referandûm de vajî nê. Eke şar beşdarê îdareyan bibo, selahîyetî bidîyî herêman û komeleyê sivîlî beşdarê prosesê qerardayîşî bibî. Ancax o wext demokrasî mumkun o.”
MÊRDÎN