Parlamenterê HDPyî yê Amedî Îmam Taşçiero ke bi serran o nuqtaya yewîya neteweyî de xebatê muhîmî kerdî, qisey kerd û derheqê netîceyê weçînayîşê 24ê Hezîrane û Yewîya Neteweyî ya Kurdan de çîyê muhîmî vatî.
Taşçierî va ‘netîceyê weçînayîşî de rayê AKPyî zaf kewtî’ û wina domna: “Şertê OHALî de weçînayîş virazîya. Embazê ma ameyî tepiştene û tewqîf bîyî. Weçînayîşî bin tesîrê faşîzmî de virazîyayî. Herçiqas ke şertî hende zehmetin bîyî, labelê HDPyî xebatê bihêzî domnayî.”
Taşçierî dewamê qiseykerdişê xo de wina va: “Herçiqas ke weçînayîş de mabênê partîyanê kurdan de îttîfaq nêvirazîya, labelê mabênê kurdan de îttîfaq virazîya. No netîce do destê ma bihêz bikero. Ancax yewîya neteweyî awan bibo, kurdî eşkenî azade bibî. Netîceyê weçînayîşî, yewîya neteweyî de do berê neweyî akerdî. ”
MA/AMED