GULISTAN AZAK / JINNEWS / MELETÎ
Taxa Cemal Gurselî ya Meletî de 22ê teşrîna peyêne de berê banê elewîyan ameybî xêzkerdiş û dima ra babete ser o tehqîqat dîyabî destpêkerdiş.
Babete ser o Zeynep Çelîkkanata ke berê aye amebî nîşankerdiş, qisey kerde. Çelîkkanate va ‘herçiqas ke tehqîqat dewam keno, labelê bawerîya mi çi dewlete rê û çi zî polîsî rê çin o’ û wina domnaye: “Dewlete yê ke sey aye nîyî ser de zext û tedayan meşnena. Ma elewîyî, sunîyî, kurdî û armenîyî pîya cuyayî. Ma senî bawerîya ma ra hes nêkenî, bîyarî. Nika bawerîya ti kesî yê bînî rê nêmenda. Mîyanê şaran de bêbawerîye tewr zaf dewlete rê kêr yeno. Ganî ma destûr nêdî ke fikro ke xo bi hawayo dînperest şinase keno, serbikewo. Na cografya de ma heme reng, ziwan û dînî pîya cuyayî.”