Eyro 15’ê Êlule; serrgêra yewin ê xoverdayîşê Kobanêye ya dîrokî ya. Yewin serrgêra xoverdayîşê gird ê şervanê YPG/ YPJe ke Kobanêye de hemverê çeteyanê DAIŞe nîşan daybî ya. No xoverdayîş bi aşman dom kerdbi û semedê ke xoverdayîş bi rayvertîya YPJe de amebi kerdiş, heman awayî no xoverdayîş semedê cenîyanê dinyaye yew hêvîyo ke gird daybî awankerdiş. Rayna wextê nê hêrîşê ke ser Kobanêye de ameynê kerdiş de bi hezaran welatijî neçar mendbî ke koçê çar perçeya Kurdistanî bikerî. Babete sero welatijê Kobanêyijî qalî kerdî.


Do plan veng bivecî

Welatij Ronahî Mihemed ard ziwan ke êy hêrişê çeteyan sero neçar mendî ke herra xo biteriknî û wina domna: “Keyeyanê ma xirab kerdî, keyeyê min bi temamî vila bî û ti ra zafîn kesî zî şehîd kewtî. Kobanê bi saya gonîya şehîdan xelas bî. Kobanê tena bi şarê Kobanê ney, bi şarê Vakur, Vaşur û Rojhelatî xelas bi. Ma do wayîrê çekanê şehîdan bivecî. Senî ke planê AKPe Rojawan de veng vecyay, do Vakur de zî veng bivecîy.”


Îxanet ame kerdiş

Welatij Mîran Kobanê zî bal ant ser xoverdayîşê Kobanê ser û wina vat: “Wexto ke çeteyê DAIŞe hêrişê Kobanêye kerd ma zî mîyanê xoverdayîşî de bî. Hêrişê ke ameynê kerdiş bi çarçiwaya planê xeylê lêmin de ameynê kerdiş û engîşta hêzê mîyannetewî zî tede bî. Merdim eşkeno xoverdayîşê ke Kobanêye şexsîyeta Rayver Apoye de binirxno. Senî ke hêzê mîyannetewî bi rayvertîya dewleta tirke de hemverê Rayver Apoye îxanetek kerd se, Kobanêye de zî hemverê şarê kurdî yewna ray îxanet ame kerdiş. Labelê dewleta tirke nêresay armancê xo. Yeno zanayîş ke yew ser verê hêrişê Kobanêye amebi kerdiş, labelê semedê ke şarê kurd xover dabi, nêşînaybî ke xo hemverê şarê kurd bigîrî û têk şîbî.”


Têkşîyîşê 15ê êlule

Mîran Kobanê derheqê hêrişê Cizîrî sero de zî ciresna ke binê nêy hêrişan de têkşîyîşê 15’ê êlule esto û wina verdewam kerd: “Hêrişê ke ser Kobanêye amey kerdiş bi felsefa Rayver Apo veng ame vetiş. Eyro hêrişê ke ser Cizîr yenî kerdiş zî sebebê ci nê têkşîyîşê 15’ê êluleye ra girêdaye yo.”

Mîran Kobanê qalîkerdişê xo wina peynî kerd: “Ger ke aye roj dewleta tirk ma têk biberdênê, nika nê hêrişê Cizîrî sero do nêbînê. Ma senî ke Rojawan de bi rayvertîya YPG/ YPJe ser kewtî, Vakurê Kurdistanî de zî do ma serbikewî. Ma do Rojawan, Vakur û Rojhelato Mîyanên de zî semedê xoserî têkoşîn bidî.” 


ROKSEN EFRÎN/BIHAR KOBANÊ / JINHA /QAMIŞLO



Nêweşxaneyan hema zî binê dorpêçî de yê 


Kurdîstan de peynîya weçînayîşê 7’ê hezîrane hukimatê AKPe dest pê terteleyeko gird kerdbî û peynîya hêrişê AKPe zî Kurdistan de xizmetê weşîyî ameybî astengkerdiş. Cîzîrê Botan de mîyanê 8 rojan de 21 welatijê hetê polîs, tîmê taybet û lejkeran ra ameybî qetilkerdiş û polîs û lejker Cizîr de xizmetê weşîyî zî asteng kerdbî. Rayvistişê weşîyî zî bertekê xo nişanî na bire day.

Hemsereka SESe Gonul Erden a ke Terteleyê Cizîrî nêz ra şopnabî vat ke qedexekerdişê papolan a Cizîr înan tersnena û çikekî amey cuyayiş zî ‘Şerê bêraybaz’ bi name kerd, la dijî heme hêrişan zî şar bi coş xoverdayîşeko gird da.

Erden aşkera kerd ke peynîya qedexeya Cizîrî de dest pê kerd, xizmetê weşîyî hetê hêzê dewlete amey vindarnayîş û xebatkarê weşîyî ra zî polîs û lejkeran gef werdî, hema zî banê weşîyî hetê polîs, tîmê taybet û lejkerê tirk de amey dorpêçkerdiş. 


 DÎHA/ENQERE