Badê ke mezelê endamê PKKijan amey xirakerdiş, keyeyî zî “Şehîdgehê Şehît Amed û Şehîd Hêvîdar” a Licêye û “Şehîdgehê Şêx Seîdî” ya Pîranî de nobedê aştîye girewtî. Welatijê ke Şehîdgehê dewa Pîrejmanî de kom bî, dest bi nobedê aştîye kerdî. Welatijî bi razgirewtişî ra dima dest pê girewtişê nobedî kerdî.
Ma tîya de nobet gênî
Hemserekê DBPe ya Pîranî Şadîn Aktuz ard ziwan ke hêzê ke wazenî şer gurr bikerî hêrişê erjê şarî kenî û wina domna: “Ma sey şarê Pîranî eyro ra pey dijî hêrişê dewletî Şehîdgehê Şêx Seîdî de nobedê aştîye gênî. Ma veng danî heme kesê aştîwazan ke wa dijî polîtîkayê AKPe ya şer û îmhaye warzî lingan ser. Ma wazenî wa heme kes bêro dormarê şehîdgehan de bi vindertişî vernîya hêrişan bigîrî.”
Hêrîş ser şervana o
Wekîla HDPe ya Amedî Nursel Aydogan zî ciresna ke hêrişê AKPe ya zalimane de ciwan, pîr û cenî yenî kiştiş û wina vat: “Hukimatê AKPe dijî têkoşîn û xoverdayîşê şarî na ray zî hêrişî şehîdgehan kena. No hêriş hemverê şervananê azadîye yo. Şarê kurd heta nika dijî zilmî sere nêwedarna, do nika ra pey zî bi çalakîyanê xo ra do verdewam bikero.”
DÎHA/AMED