Şehîdo enternasyonalîst Seyîd Ebdulezîz Mihemed Hamîd serra 1955 de herêma Seyîd ya Misirî de yeno dinya. Keyeyê Hamîdî hetê xo yê dîndarî ra yeno şinasnayîş. Keyeyê Hamîdî feqîrî ver koçê paytextê Misirî Qahîre kerdî û Hamîdî ewja de pîyê xo reyde dest bi kar kerd. Hamîdî seba piştîdayîşê debara keyeyî fek mekteb ra veradano û pîyê xo ver de xebetîyeno. Hamîd badê ke pîl beno zewecîyeno û lajêk ci yê bi nameyê Ebdo beno. Hamîdî feqîrî ver şono Iraq û serra 1999 de zî yeno Heleb de xebetîyeno.
Şehîdo misirij xoverdayîşê Şêxmeqsûdî yê Helebî de rolêko pîl gêno milê xo ser û pawitişê taxe de 14ê gulane de kontrolê taxe de krîzê zerrî vîyarneno û beşdarê kerwanê şehîdê enternasyonalîstan beno.
Cinîya Hamîdî Heyat Mihemede, Fewzîya Ehmed Eyûbe û Ranîya Hesene qala Hamîdî kerdî û wina va: “Hamîdî qet Sûrîye de hîsê xerîbî hîs nêkerd. Nêvatêne ke ez Misir ra ya. Piştî dayêne dormeyê xo û hetkarî ra zaf heskerdêne. Wexto ke ma ameyî taxa Şêxmeqsûdî Hamîdî mi ra va; mi tîya de xo dî, azadîya ke ez gêrayêne tîya de ya. Hamîdî zaf waştêne ke rayêk lajê xo Ebdoyî bivîno, la nêbî.”
Rayberê heme şaran o
Eyûbe wina va: “Hamîd fikrê Ocalanî ra tesîr bî û her wext analîz û munaqeşeyan kerdêne. Tewr peynî beşdarê Hêzê Pawitişî yê Komelî bî û rolê xo yê azadî ard ca. Hamîd sey lajê mi bî û aşiqê azadî bî. Vatêne; Ocalan tena rayberê kurdan nîyo, rayberê heme şaran o.”
Hesene zî wina va: “Hamîdî pawitişê Şêxmeqsûdî de xoverdayîşêko gird da. Waştêne ke mora xo bido taxa Şêxmeqsûdî ro û seba azadî şehadet rê amade bî. Ma şehadetê şehîdo enternasyonalîst Hamîdî ver ra sereberz î.”
SÎLVA MISTEFA - ARÎF SILÊMAN / ANHA / HELEB