MACID CELÛD/ANHA/ HESEKÊ
Badê ke Hêzê Sûrîyeya Demokratîke (HSD) seba ke dormeyê Dêrazorî rizgar bikero, Hemleya Firtineyê Cizîrî dayî destpêkerdiş ra nata xeylê sîvîlî destê çeteyan ra ameyî rizgarkerdiş.
Kesê ke ameyî rizgarkerdiş mîyan de 2 domanê êzidîyî zî estî. Nê domanan ra nameyê yewî Amêr Cebrî Berekato 14 serreyî û nameyê yê bînî zî Zahîd Suhêl Heseno 13 serreyî yo.
Domanan ra Amêr Cebrî Berekatî qala çîyê ke cuyaybî kerd.
Berekatî va ‘embazê mi Zahîd 2 reyan hewl da ke biremo, labelê ame tepiştiş’ û wina dewam kerd: “Badê ke çeteyan fam kerdî ke ma wazenî biremî, îşkenceyê ma kerdêne. Çeteyan tim seba ke ma şerî bimusî, ma cepheyê şerî de gêrnayêne. Çeteyan ma berdêne Dîmeşqê, Heleb, Reqqa, Hûmis û Dêrazor. Çeteyan mi ra waştî ke ez xo Şedadê de biteqna, labelê mi qebul nêkerd. Nika ma destê çeteyan ra ameyî rizgarkerdiş. Heta ke ma ameyî nuqtayanê HSDyî zî ma bawer nêkerdêne ke ma rizgar bîyî.”