GULÎSTAN AZAK JINNEWS / DÊRSIM Bajarê Dêrsimî ke merkezê bawerîya elewîtî yo de xeylê zîyarî estî û nê zîyaran ra yewe zî Zîyara Ana Fatma ya. Zîyara Ana Fatma rayîrê Newala Muzirî ser o ya û Dêrsim ra 3 kîlometre durî de ya. Zîyara Ana Fatma her serre bi hezaran kesan ra yena zîyaret kerdene. Yeno bawer kerdene ke na zîyare temsîlîyetê bereketî kena. Ana Fatma sey dayîka Hz. Hesen û Huseyînî yena zanayene û rîyê aye sey aşme yeno dîyayene. Bitaybetî wexto ke aşme vejîyena, cinîyî lew nanî cayo ke aşme dana piro ro û seba Ana Fatma duayan kenî.