Hetê nêyî de şîyîşê xizmetê limite ke bin nameyê ‘xerckerdişê sergirote’ye ke semedê cayê nêdîyar ameyo xerckerdiş zî serê serre ra heta nika 1 mîlyar 185 mîlyon lîre yo. Encamê xebetnayîşê budçeye aşma Çileye ra heta aşma tebaxe zî amey aşkerekerdiş û no zî goreyê raporan 5.4 mîlyar lîre yo.
Belgeyeke sîyasî ya
Sekretera Pêroyîn a Konfederasyona Sendîkaya Karkerê Şoreşgerîye (DÎSK) Arzu Çerkezogluye derheqê babete de ciresna ke budçe tena çîyê ke kaxizî sero ameyo nuştiş nîyo û wina domna: “Ya raşt budçe belgeyeke sîyasî ya. Wextê ke merdim budçeya Tirkîyaye ewneno, veyneno ke semedê lazimîyê bingeyîn ê weşî û perwerdeye rê nêameyo xerckerdiş. Yeno vînayîş ke pereyê semedê asayîş û pawitişî ameyo xerckerdiş xeylê zaf o. Ravêreyeya ke 7’ê hezîranî ra dima ke tede şero mîyanên serwer o de vêşîbîyayîşê şîyîşî zî tesadufî nîyo.”
Hesab bêro persayîş
Çerkezoglu verdewamîya qalîkerdişê xo de bal ant ser polîtîkayê şer û wina vat: “Kêy ke welatî de polîtîkayê şerî zaf vêşî bî, aye wext xerckerdiş zî şi resa mîlyar dolaran. Pereyê lêmin ke semedê şer yeno xebetnayîş, hetê îqtîdarî ra bi temamî nîno aşkerekerdiş. Verîya nêy budçe, çîyo ke hetê şarî ra ameyo viraştiş a. Nê semedî ra lazim o bi awayo zelal bêro aşkerekerdiş. Xerckerdişê bi no hawayî ti caran nîno qebulkerdiş. Lazim o hesabê her qurişê şarî bêro dayîş.”
Çerkezoglu peynîya qalîkerdişê xo de wina vat: “Vernîya heme çîye semedê ke polîtîkayê şerî welatî de biqedyî, lazim o desthilatdarîya AKP û qesrî ke paştîkarê DAIŞ û heme çeteyê Rojhilato Mîyanên a, bêro qedênayîş. Ma neçar î ke nêy raştîyan biveynî û semedê aştî û demokrasîye dijî nêy polîtîkayanê şerî xo bipawî. Lazim o ma pîya bimeşî.”
OZGUR AYDIN/ANF/ ÎZMÎR
Polîtîkayê şerî dekewt rojdemê Swêdî
Hewteyê verên ke Partîya Karkeran a Sosyal Demokratî ra yew heyet Kurdistan û Tirkîyaye de şerê ke amebi cuyayîş sero cigêrayîş kerdbî. Vervatoxê Çapemenîye ya Navendê Olof Palmeye Magnus Nîlsson ke mîyanê heyetî de ca girewtênê vînayîşê xo awayo bi nuşteyî şarê Swêdî rey bar kerd û wina vat: “Ravêreyeya ke 2013’ê de amebi destpêkerdiş, wexto ke hukimat hêrişî PKKe kerd, qedîya. Mîyanê şertê şerî de viraştişê weçînayîşê 7’ê hezîranî merdim dano fikiryayîş.”
Wekîla Partîya Çepî Amîneh Kakabaveh zî vernîyazê ke day Meclîsî de ard ziwan ke lazim o polîtîkayê şerî ya AKP û Erdoganî Meclîsê Swêdî de bêro nîqaşkerdiş û qalîkerdişê xo wina domna: “Semedê ke Erdogan weçînayîşê peynî de têk şîyo, no şerî dayo destpêkerdiş. Tirkîya hetê demokrasî û heqê merdimantî de 20 serre tepa şîyo. Lazim o Yekîtîya Ewropaye hemverî nînan bêveng nêmano.”
ANF/STOCKHOLM