Zindanê Amedî ke derbeyê 12’î îlon sey cayê îşkence û bîyo babeta zaf roman, fîlman wazînoke bibo muze. Şaredarîya ma na muzela de xayret kena ke o ca bikero muze. No waştişo ke Şaredarîya ma organîzeyê ci kena hetê dezgeyê sîvîlan ra zî yeno vînayîş û dezgeyê sîvîl ê ke na mesela de eleqedar ê hetkarî danê Şaredarîya ma û wazenê wa cayê hepisxaneyê Amedî bibo muzexane. Na çarçiwa de Sumerparke de “merkezê Koordînasyona Hepisxaneyê Amedî” yeno ronayîş.
Xebatê waştişê wa Zindanê Amedî bibo Muzexane dewam kenê. Na çariçiwa de Sumerparke de organîzasyonêk yeno ronayîş û xebata muzekerdişê hepisxaneyî oca de virazîyena. Serekê Daîreyê xurtkerdişê Ekonomîya herêmî ya Şaredariya Gird necatî Pirincçîoglu derheqê maxsatê na xebate de zanayîş da û îna vat “Zindanê Amedê demêko dergo ke zerra şarê kurd de sey gul û birînêk o. Her kes wazeno wa o cayo tarî û cayê wehşetî bibo muzexane. Xebatê ke yenê kerdiş muhaqqaq muhîm ê. Ma zî gere lez bide nê xebatan.”
Pirîncçîoglu derheqê organîzasyona înan a newî de zanayîş da û vat “ Bi organîzatorîya Şaredariya Bajarê Gird a Amedî de, Weqfa 78an, TUHAD-FED, MEYADER, ÎHD, Baro û TMMOB ameyê yewca, nê dezgeyî semedo ke wa zindana Amedî bibo muzexane mîyanê xo de qisey kenê. Ma no qiseykerdiş binêna aver bere ma eşkenê qereranê radîkalan bigêrê. “
18ê Gulane de abena
Pirîncçîoglu dazanayîş ke cayê Sumerparke de “Merkezê Koordînasyona Zindana Amedî” awan beno û vat “18ê gulanê saet: 16.00 de bi beşdariya şahidê o wextî ma dezgeyê xo îlan kenê”
AMED