20ê çeleyî de Heyetê Pêroyîn yê Meclîsê Tirkîya de bedilnayîşê qanûno bingeyî ameyî munaqeşekerdiş û munaqeşeyan ra 12 rojî dima qerarê bedilnayîşê qanûno bingeyî ame girewtiş.
AKP seba bedilnayîşan çi dest ra ame kerd. Cok ra meclîs de wextê qiseykerdişê parlamenteranê muxalîfan ame kilmkerdiş. Wextê xebetiyayîşê parlementeran zî ame betalkediş.Pêvînayîşê bedilnayîşê qanûno bingeyî pêro pîya 234 saetan ramit. Dima ra seba îmzekerdiş û ewnîyayîşî, Erdoganî rê ame erşawitiş. No pêşnîyaz badê 9 rojan ame îmzekerdiş. Erey îmzekerdiş xo reyde senaryoyê cîya-cîyayan vet orte.
Eke anket û mîtîngan de ‘Nê’ zêde biba
Her çiqas ke tarîxê referandûmî dîyar bibo zî Anqara de senaryoyê cîya- cîyayî ser o munaqeşeyî yenî kerdiş. Serekkomar Erdogan seba referandûmî 40 cayanê cîya-cîyayan de do mîtîngan bivirazo. AKP do mîtîngan de rewşa şarî ra biewnîyo. Eke anket û mîtîngan de hûmara ‘Nê’ zêde biba, AKP do planê xo yê B bierzo dewre. Planê B zî weçînayîşo verwext o.
DÎHABER/ENQERA