Şaristanekê Şengalê Xanesorî yê Akademîya Şehît Egîdî de endam û rayberê sazîye ra dewreya perwerdeyî ame dayiş, Dewreya Şehît Nazeye ra 25 kesî beşdar bîyê. Dewreya perwerdeyî de beşdaran ra babetê hêzkerdişê pergala netewa demokratîk û xorayirberdişê şarê êzidîyan ameyê dayiş.
Bi wesîleya temambîyayişê dewreya perwerdeyî şayîyêk ame viraştiş û şayî ra temsîlkarê sazî û rêxistinî beşdar bîyê. Şayî de Hetkarê Hemserekê Meclîsî yê Demokratîka Şengalî Heso Îbrahîm qise kerd û vat ke seba înan her dewreya perwerdeyî zaf bi muhîm o û wina vat: “Ma bi perwerdeyî, xo fikrê lêminî ra dûrî vindernenê û no zî seba ma serkewtişêk o.”
ŞENGAL