Vera Komployê 15ê Sibate xêlê cayan de nûmayişê protestoyî ramenê. Şengal zî nê cayan ra yewe ya. Xanesor a Şingalî de zî 11ê Sibate de çalakî dest pêkerdî. Çalakî bi şêwazê forum beno. Mavêna 11-13ê menge de her roj saet mavêna 10:00-15:00 forum yeno viraştene. Qiseykerdox bêbextîye ser o qiseyan kenê.
Roja destpêke de endama TAJÊ Bêrîvan Xwedêda qisey kerd û bal ant bêbextiya ke ameya kerdene ser. Xwedêda bi kilmî qala bextreşiya ke ameya kerdene kerd. Xwedêda bi dewama qiseyan de qala Rayberê Şaranê Kurdistan zî kerd û vat: “Rayber Apo serra 1973 de dest bi têkoşîne kerd. Game bi game xo resna û bi Rayberê şaran. Rayber Apo Rayberê merdimîye yo. Sey serekanê bînan nîyo. Xwedêda hayr ant terteleyê Êzîdiyan ser o û rexneyanê Ocalanî yê ‘Çima şima Êzîdiyan nêpawit’ vist vîrî. Qiseyan de herzewbîn remnayiş û îxaneta PDK rê zî nêrazîbîyayiş damisnîya. Çalakî peroj ra dima heta saet 15:00 dewam kerd.
Rayberê merdimîye yo
Çalakîyê roja yewşeme (12ê Sibate) zî dewam kerdî. Şêlig Hola Laliş a Xanesorî de ame têhet. Destpêke de endama kordînasyona civata Êzîdîyan Pîroze qisey kerd. Pîroze bal ant dewletanê ke komplo viraştî ser û vat ‘Rayber Apo tena Rayberê kurdan nêy Rayberê merdimî yo.’ Dima ra zî şewirmendê PADÊ'yî Azad Amedî qisey kerd, hayr ant rastîya rayberan ser û vat, ‘mabeynê Serok Apo û Rayberanê bînan de ferq esto.’
Doman (qij) a bi nameyê Radya Hesen zî yew şîîrê ser Ocalanî wend. Dima ra endama çand û hunere Sadîye Dexîl Bereket yew deyîr wend. Tewr peynîye de şêlig şîye xêra şehîd Ferhad ke 40 roj verê şehîd bîbî. Forumê çalakîye vizêr peroj ra pey bi qisey, wendişê şîîran, vatişê deyiran dewam kerde.
AZAD ARARAT / ŞENGAL