Cenîyê YPJ-Şengal rayvistişê xo hîna gird kerd û binê banê rayvistişê xo Yewîneya Asayîşê Cenîyê saz kerd, na yewîne ewlehîya dorûverê do kontrol bikera.
Hêzê heyfgirewtişê
Yewîneya Asayîşê Cenîyê ser Arjîn Botan agahî da û vat ke çew zey cenîyê ewlehîya komeleyê hîsgêr nîya, ê do no hîsgêrê xo zî her kes ra bimojnî û wina vat: “Na yewîne do seba ewlehîyê destê ci ra çi bêro se do bikera. YPJ-Şengal omidê cenîyê êzidîyan bîya, ê seba şarê xo no omidê hîna gird bikerî.”
Hewna Hêvîdar Zagros zî Kurdistanê Rojawanî ra ameya û beşdarê YPJ-Şengalê bîya û nika Zagros Yewîneya asayîşê cenîyê de ca gêna û a zî babete ser aşkera kerd ke ê bi cewherîyê xo de asayîşê cenîyê saz kerdî, ê do hem ewlehîyê xo hem zî ewlehîyê komeleyê do saz bikerî.
Zagros wina dewam kerd: “Çi heyf ke cenîyê êzidîyê hetê çeteyê DAIŞ de sukan de yenî rotişi û yenî qetilkerdişî. Dema ke no kerdişê çeteyan yena vîrê min no demî ez vana ma hîna bi hêz bikerî û ma gird bibî. Dema cenîyê êzidî ma vînenî, no demî zaf bi kêfweş benî. Ma zaf bi kêfweşî ke cenîyê êzidî terteleyê ra xelisnayî. No ewnîyayişê cenîyê êzidîyê ma ra hêz dana.”
ROJNEWS/ŞENGAL