“Heta ke dijî çeteyê merdişî ya DAIŞî û paştekarê înan zîhnîyeto ke no awayî bibo, bê şik herinda bêçaretî ferasetek girdêr a xoverdayîşî do bivecyo werte.”
Amed ard ziwan ke Şengal de persgirêka êzidîyan ya asayîş, rayvistin, pawitiş, cuyayîş û bi awayo kilm ger ke bêro vatiş persgirêka azadîyê esto û wina domna: “Qirkerdiş mojnay ke heme persgirêk bi awankerdişê rayîrberîya xo û rayvistinkerdişê hêzê pawitişî eşkeno bêro çarekerdiş.”
Her tim heqaretî vînay
Amed vîr ard ke komeya êzidî ya ke pêroyina înan Iraq, Kurdistano Vaşûr cuyenî, ti carî zey îradeyekê nêameyî dîyîşî, seba bawerîyê xo raştîyê heqeretê amey, zey hêzeke erjan a xebatê amey dîyîşî, hetê ekonomîyê, her tim hewcedar amey vistişî û destnîşan kerd ke komeleya êzidî dijî hêrişan her şewe bi awayekî bê pawiyayiş ameyo vistişî.
Raştî asîmîlasyon amey
Amed dîyar kerd ke komeleya êzidî seserra 21’an de verê çimê hêzê rojawanî ke xo zey hawarîyê demokrasîyê vînenî û ver çimê pêroyina dinyayê raştî hêrişê hovane yê çeteyê mergî ya DAIŞî amey û wina dewam kerd: “Verba no raştîya dîrokî, komeleya êzidî dijî nêbîyîşê wayîrê statuyeke xoser a qanûnî û destûra bingehîn, zey rayîrê xelisyayişî koçî Ewropayê kerdî, la noca de zî raştî asîmîlasyon û terteleyê kultirî amey.”
Amed wina peynî kerd: “Verba polîtîkayê terteleyî ser bingeha kultir, bawerî û kamîya xo, pawiyayişê bîyîşê xo û îmkanê azadîya xo êdî ganîyeyeke cuyayişî yo. Raştîyê rotişê cenîyê êzidîyê bazarê koleyan de, statuya bextwaştoxîyê mîyanê şert û mercê herî dijwar de, cayê firaz ê hewl yena dayiş ke bêrê çinkerdişî, mecbûrîyet û ganîyeya rayverîya xo pawitişê, xo vejînayo meydanê. Meclîsê Sazgehî ya Şengalê bi nê semedan, mîyanê şert û mercê gelekî zehmet de ame ciresnayişî.”
ESTER AŞMÎ/ ANF/ŞENGAL