Bi serano, rojaku Komara Tirkîya awan biya heta ewro waştekê kurdan tenê ê kurdan nê ê heme demokratanê Tirkîya Komara Tirkîya de demokrasî kemîya. Bêrê ma demokrasî biyarime Tirkîya. Heme dewlemendî esta. 

Çiyo çinyo demokrasî yo. Semed demokrasî zî lazim o ma makazagone newe ra binûsim. Semed a zî karo yewin ma zanê netew û kemî netew na erdnîgarî serde estê cuyenê. Raynê ol û mezhebî estê tenê yew millet, yew ziwan, yew ol, yew mezheb nê ciya ciya tewr tewr cuyenê. 

Bi serano yew bînan dire cîrantî kerda. Rûmet dawo yewbînan. Qedr û qîmetê yew bînan zanê. Şayî û şînê yewbînan de roniştê. Bi yewbînan dir şa biyê. Bi yewbînan dir xemgînî bîyê. Nan û awê xo yewbînan dir bare kerda. Şit û mastê xo tey dir werdo. Tey dir kaye kerda. 

Wexto zordestan waşto yewbînan dir kerdê neyar. Yewbînan ra gonî dayê rijnayiş. Vato no ma ra niyo. No neyarê ma wo. Olê ma henî olo baş o. Mezheba ma heni raşt a. Nê bînî neyarê ma yê. Ma verdê pê. A semed ra vanê zanayê na erdnîgare ser cuyê vatê-vato: “Ma şamîyê şima paşîvî yê.” Bêrê ma aqilê xo serê xo kerim. Carna vatişê yewbînan kerdê. 

La carna zî biyê maşikê şarî. Wexto netew dewlet virazya xora netew dewlet bi neyartîya şaran û mezheban xo rayra bena. Çiqas bişko neyartîye virazo endêk emrê xo raderg keno-kenê. Ewro ma awnen hukimatê Tirkîya ra, wazen ma pêyverdê. Sankî beyntarê şaran de neyartî esta wazenê bidê vînayiş. Êrîşê sazîyanê HDP yeno kerdiş.

Ma ewro awnenê gêrîlay tenê êrîşê yê ku qestê kiştişê yine kenê, qestê kiştiş û êrîşê şarî kenê, yine kenê hedef. Heta ewro çi wext zerar nêdawo şarî. Nêwazen nê şar, nê erdnîgarî xesar bivîno. La gama merdim awneno hukimatê AKPe ra hem şaro sîvîl, doman û cenîyan kişeno. Hem zî xesaro pîl-xişn dano na erdnîgarî ro. Verniya naye tenê demokrasî geno. 

Merdimêko zana cemaatê nimacî de wo. Badê nimacî cemaat xo rê duayan keno Homay ra waştekan wazeno. Yew cemaat ra bi sewto berz Homay ra îman wazeno.  Merdimo zana semed sewt şêro ci o zî vano: “Ya Homa ti mal û milk bidê min” Badê duayan kunê teber. Persen vano to çira Homay ra mal û milk waşt. Vano; kamî dir çi çinêbo Homay ra ê wazeno. 

To dir îman çinyo to waşt. Min dir zî mal mulk çênib min zî o waşt. Nika zî tay 400 wekîl semed zorbayîya xo wazenê. Yê bînî zî demokrasî wazenê. La ma bawerê bi nê ezmî-cehdî go demokrasî biyarê na erdnîgarî ser. Sewtê xo semed demokrasî berz kerim e. Rêxistinî xurt kerim e. 


Nesîp GULTEKÎN