No taybetê xo ser dîrok ra nika her tim dewletê faşîst xora hedef girewtî. Dêrsime ser dewleta Osmanli qirkerdiş şuxulna û dewleta tirk a newe zî xora no kultura qirkerdişê mîras dî û ser Dêrsime destpê qirkerdişî kerd. Verba heme nê polîtîkayan dêrsimijan qet têkoşîn xo ra fek veranêday.
Heta nika dewleta tirk qet ser Dêrsime polîtîkayê xo înkarî ra fek veranêday, dema serekwezîrtîya Erdogan bi xapenayişê ganî bikero ê dewlet lêborîn biwazo la belê no babete yew xebat nêame kerdiş. Serekwezîr Ahmet Davutoglu zî verê şîyîşê xo Dêrsime dîyar kerd ke dewleta tirk polîtîkayê xo înkarî fek veranêdaya. Bi serrana ke dewleta tirk wazena Dêrsime bi HES û bendawan mîyanê ra bihawano û no polîtaka bi AKP vejîya titîkê. No polîtîkayê AKPî ser pwt.
Bariş Yildirim qise kerd.Yildirim dîyar kerd ke heme pirsgirêkê şaristanî viraştişê bendewan ra qewimyeno û wina vat: “Çimkî bingeyîya viraştişê HES û bendawan bê merdim veradayişê Dêrsim est o. No plan zî peynîya darbeya 12’ê Êlule ame viraştiş. Di serra 1986’ê de zî sifteyin projeyê HES ame viraştiş la no proje bi qeçexî ame viraştiş û ê no qeçexîya projeyê zî serra 2010’ê tesbît kerdî û dosya zî di Dadgeha Berzî de yo. Ganî roya Munzur Lîsteya Mîrasê yê Kultura Dinyaye ra biameynê girewtiş û çimkî di Munzure de tewr bawerî û kultur xo danê cuyayiş. Dewleta tirk zî peynîkerdişî nê tewr bawerî û kulturan HES û bendawan virazena.”
Wazena bidê koçkerdiş
Yildirim destnîşan kerd ke taybetê dêrsimijî viraştişê HES û bendawan ser welata xo terk kenî û wina peynî kerd: “Dewleta tirk wazena di Dêrsime de qet yew elewî nêmano. No zî ya viraştişê HES, bendaw, qerekol, qalekol û sewbî rayîran kena. Hewna agêrayişê dêrsimijan zî bi veşnayişê daristan û qedexekerdişî zozanan astengî vejnena. Dewlet wazena Dêrsime bê wayîr û bê merdim bimano la Dêrsim bê wayîr nîyo û ma seba Dêrsime qet têkoşîn xora fek veranêdî.”
DÎHA/DÊRSIM