Ser pirtûkê Faysal Bozkurt qise kerd. Bozkurt hinzar û newsey û heştayî şeşt de dewa Pîranî de Gome ya Vanko de ameya dinya, hîre waye û hîre birayê Bozkurt bîyo û wina vat: “Gedeyeya min bi dej û tengasî vîyarte. Wextoke Kurdistan de beyntarê PKK û dewlete de ceng destpê keno zulm vejîyeno raşte. Hem veşnayîşê dewa koçkerdiş û faîlî meçhûl benî yanê her kes goreyê xo dej vîna. Dd Kurdistan de her ciwîyayîş yew roman o.”
Heme berhemê estê
Bozkurt vat ke o na pirtûka xo no semedê ra nuşte: “Heta nika min yew pirtûka xo çap kerda. Min taybetî na pirtûka xo nameyê ya Estanekan de Cuyayîşî Ma kerdi. Mesela min taybetî kapaxî ke eşto keyeyê ma û wêneyê dewa ma yo. Yanê min ewra de peyam da ke bêro zanayîş cengo leymin sekerdo. Bêxeb na pirtûka min hama berhemê estê mesela nika destê min de şîîrê min seba çap kerdişê hadre yê. Berhemê min kurmancî û tirkî zî estê. Xeyalê min tewre pîl roman nuştiş o. Ez çende serro ke şaredarî ya amedê de xebetîyena. Mesela gege îhtîyacî açerneyoxa beno venda min danî ez şina ardim kena.”
Her tim eterîyaya
Bozkurt destnîşan yanê ê mîyanê dejan de qahiran de pîl bîyê û no dergî da qise xo: “Ez timûtim eterîyayna; xo bi xo min vatinê ma andayî dej zulm îşkence dîyo lazimoke nînan binusa. Keyeyê ma dewa heridan de tewr vernî veşa hem de çend ray. Dima ra malbatê min pêro kewto bînê çiman û bi aşma îşkence dî yo. Mesela pîyê zaf surgun de mendo ma vajê emrê ma bê pîy vîyart. Wextoke rayverê şarê kurd erjayî Abdullah Ocalan tepişîyeno o wext pîyê min zîndan de bi û çalakîyake şima nêeşkene tîja ma tarî bikê bî. Pîy min adir veredano ganî xo, yanê xo veşneno. Dima ra di domare yê ma de mêrdim kişîyenî. Tabî ke çî komîk zî estî. Semedê ney ra ez qayîl bîya her kes wa bizanoke çi ameyo ciwîyayîşe.”
No mijar hessas o
Bozkurt bal ant ser kirmanckîyê polîtîkayê gemarin û wina vat: “No mijar zaf hessas o. Çimkî di no demo peyîn de taybetî yew polîtîkaya gemarin esta. Tabî ke tewr vernî de ganî ke ma xo mîyan de pê bikerê mesela xebata komelekî biba hendna rinde beno. Xebata şexsî nêna qebul kerdiş. Xebata ke seba kirmanckî ya seba Akedemîk kerdişe pancês serra ver destpê kerdi. Di no rewşe de hetanî ewro ameyo. Do dewam bikero, wa ganî ke wayîre ziwanê xo û zaravayê xo bivejî. Gramer a kirmanckî ser o xebata min zî esta. Sewbîna ez xebata ferhang a kirmanckî kena, min hetanî ewro panc hezare çekuyê pêser kerdî. Ez do/ko/ xebata xo dewam bika. Nika zî bi destê dewlete polîtîkaya ke zazay kurd nêyê esta ma ganî ke qarşî na polîtîka vinderî.”
NAVENDA XEBERAN