DAIŞî di Kobanê de hêzê YPG/YPJî ra giran darbe werdî, dema ke çeteyê DAIŞî hêrişê dewê Kobanê kerdbî rîyê nê çeteyan dewijeke dewe xo ra rameybî, nê çeteyan amey mal û milkê dewijan ereban ra rotî. Demek ke nê çeteyan nê mal û mîlkê xo ra qiym nêdîyê ke dorûverê di Kobanê de hegayê dewan ereban ra seba şuxulnayişê danî kîrayî.
25 hezar lîra kîra
Taybetê çeteyan qiraxê Firate ra nêz hegayê dewê Pêndîr, Degirmê, Boraz, Xînê, Zîrêk û Talîkî, dewe erebê Şexler, Cîbîlferec, Bab û Minbic ra verba 25 hezar Lîraya Sûrîyeye danî kîraye. No rewşe ser dewij nameyê Xelîl Şaqo vat ke ê hetanê ereban reyde her tim ciran bîyê la sifteyin dewa Pêndîr ra koçê dewa Boydêya Pirsûse kerdî.
Şaqo wina vat: “Sifteyin ciranê ma erebî, Artêşa Sûrîyeya Azad (OSO) ra hetkarî daynê la belê dema ke çeteyê DAIŞî amey no ra nê ciranê ma ereb çeteyan ra hetkarî day. Çeteyê DAIŞî seba kurdan propogandayê heremî kenî, dewa ma dewa Şexler ra 9 km. dûr a. Ma her tim bi ereban cuyay la belê çeteyan bi zorî ereban ma ra kerdî neyar. Ma ra vatê diyin Israîl û bi no rayîrê wazenê şarê ereb û kurd yewnan ra bikerî neyar.”
Ma pîya biciwî
Şaqo aşkera kerd ke di dewa înan de çeteyê DAIŞî ereban ra 10 donumî verba 25 hezar Lîraya Sûrîyeye danî kîrayî û wina dewam kerd: “Min dostê min yew ereb reyde qise kerd, min ra vat ke di dewa ma de heme hegayan ma ameya deştîş. Ez nika persena ma dema ke dewa xo ra agêray no demî ereban senî hegayan xo biçînî. Ez heme ereban ra veng dana ma hetanê nika her tim pîya cuyay do ma hewna pîya biciwî. Erebeke estî hetê ma de di verba çeteyê DAIŞî têkoşîn danî. Raştî zî na rewş a. Qet neyartî, ereban ra qezenc nêyaro.”
Hetayê ma deştî
Şaqo aşkera kerd ke çeteyê DAIŞî kurdeke dewa xo terk nêkerdî nê kurdan ra îşkenceyeke teberî merdimatî kerdî, nika dema hesadî yo la belê hesadî ma ereban kom kenî. Ereban, banê pîyê min bar kerdî û vanê no ban ê ma yo. Ereban ma gêrenî û vanê ma hegayan şima kîra kerdî û ma şuxulnenî. Ma hetanê nika qet ereban ra nêyartî nêkerdî û ê ma neyar nêhesîbnî. Ma ereban reyde merdim bîyê. Ewro sareyê ma ra ame do sibeh sareyê înan zî bêro. Ganî hetê ma de têkoşîn bidê û esil nêyarî ma çeteyê DAIŞî.”
AKP axê Kurd roşena
Di Tirkîyaye de zî AKP zey çeteyê DAIŞî axe, mal û milkê kurdan wazena biroşa. No ser zî AKPî Meclîsî ra paketa torbayî pêşkêş kerd. Eke no paket bibo se qanûn do Serêkaniyê ya Rîhaye AKP biga çarçiweya bedilnayişê şaristanî û peynî mal û milkê welatijan hewna tepa welatijan biroşa.
Esil planê AKP peynîya no qanûnê destpê bikero. AKP sifteyin çarçiweya projeyê xo axê dewlete ciya bikera û peynî zî bi Şaredarîya Serêkaniyê axê kurdan ser destser rona û peynî axê kurdan hewna tepa kurdan ra biroşa. Bi serrana ke kurdan di Serêkaniyê de cuyenî la belê AKP zey çeteyê DAIŞî wazena axê kurdan destê înan tepa bigêra.
Çelîk reyde viraştî
Hetanê nika dewleta tirk çarçiweya polîtîkayê leyminî taybetê kurdan tapu nêdaya. Serêkaniyê di serra 1982’ê bi qeza û nika nûfisê Serêkaniyê zî 78 hezar a. Hetanê nika qet no pirsgirêkê ser hukûmatan gam nêeştî. Wekîlê AKPa Rihaye Abdulkerîm Gok îtîraf kerd ke ey û Wezaretê Ewlehîya Komele û Xebatî Faruk Çelîk reyde no planî viraştî û peynî zî no planê Walîtîyê Rihaye ra eşrawitî.
Taybetê Gok cayekê mal û milkê kurdan est o, zey warê qeçax mojna û vat ke tapuyî înan çin o û no ser înan guya no biryarê girewtî.
NAVENDA XEBERAN