Wexto ke, Şarê Kurd çala ke PDK beyntarê Rojava û Başur de virazena, na çalê şermezar keno yew şîyar vano.

Şîyaro Kurmancî hinawo. "Kurdistan yeke, parçe neke”. Kirdkî yanî zazakî zî hina yeno vatiş. "Kurdistan yew o, parçe meke”
No şîyar zaf şîyarek weşo. Hewî û vînayîşê Şarê Kurd yê Kurdistanê Azad dano nîşandayîş.
Eger PDK no şîyar xo ra bikero goşare weş beno. Seba PDK zî, seba pêro şarê Kurd zî weş beno.
PDK gore no şîyarî xebat bikero, kendişê çalê ra zî fek veradana.
PDK, hina bikero nêkero ma nêzanê. La raştî hinawa.
Tenê teqnayîşê yê peyînê ke Serêkaniyê Rojava, Xaneqîn û Seediyê Başurê Kurdistanê de bîyê seba dersgirewtişê besî.
Çeteyên DAÎŞ’ê, Serêkaniyê Rojava de herîş kerd ser Şarê Kurd 11 şehîd û bi desan birîndarê ma bîyê.
Çeteyên DAÎŞ’ê vîzer ne perê Xaneqîn de herîş kerd ser Şarê Kurd, 30 zêdeyîr şehîd û bi desan birîndarê ma bîyê.
Çeteyên DAÎŞ’ê vîzer zî qeza Seediyê de herîş kerd ser Şarê Kurd, uca de zî 30 zêdeyîr şehîd û bi desan birîndarê ma bîye.
Ma ewnenê dişmenê Şarê Kurd nêvano Rojava, Başur, Bakur û Rojhilat, çar parçe Kurdistanê de hêrîş keno ser Şarê Kurd.
Wazeno Şarê Kurd qirbikero.  Ewro zî no qirkerdiş bin name DAÎŞ de beno.
La ma eşkere zanê DAÎŞ bin rayverîyê Dewleta Tirk û Subayê Seddame yê kewn de no hêrîşan keno.
Xo ra serwerê DAÎŞ giranî ya Çeçenê ke Istanbol Lale de mîyanê MÎT’ê Tirkan da ca girewto ya ayê.
Yan zî subayê Seddame yê kewnê. Zobî serokê siyasi yê nîzdiyê DAÎŞ’ê Tarik Haşîmî zî Istanbol de ciwîyeno.
Ma nayê pêronê bîyare têhet, hemê çîyê eşkera benî.
Name hêrişkar beno DAÎŞ bo. La hêrîşkarê esasî  Dewleta Tirk û nêjadperêstê Erebê.
Şarê Kurd zano, kam nê hêrîşan rêxistin keno.
Seba nayê vano, "Kurdistan yew o, parçe meke”.
Şehîd û birîndare ma zafî. Zere ma veşeno. Dej û ezabe ma zêde bîyo. Her roj zî zêde beno.
Hetanê Kurdistan Azad nêbo, ê no dej û ezab dewam bikero.
Ez seba şehîdanê ma vana, Sere Şarê Kurd  û ma pêronan sax bo û birîndarê ma ra zî weşî wazena.