Çarçiweya konseptî de ravêreyeya çareserî zî ame qedînayiş, raşteyê gerîlayan sero bombevarnayîş, şaredarî amey girewtiş, welatijê sivîlî amey qetilkerdiş û amey îşkencekerdiş.
AKP nêzdîya weçînayişê 1’ê Teşrîne de Kurdistan de kaos viraşt û çimkî armancê AKPe tena qezenckerdişê weçînayişî yo, heme dorûverî hemverê no konseptî vejîyenî, labelê AKP konseptê şerî hîna xorî kena. Polîtîkayê şerî yê AKPe ser MHDa Wanî de pwt. Nazli Polat qise kerd.
Nazli Polat dîyar kerd ke polîtîkayê şerî yê AKPe dijberê huqiqî yo, serekkomar Erdogan ser çapemenîye bi aşkera vano ke eke 400 wekîl biameynê dayiş do ona nêbîynê, yanî serekkomar bi aşkera sûcê şerî şuxilneno.
Halo îstîsnaye
Polat qalîkerdişê xo wina domna: “Cayekê qedexe û halo îstîsnayî amey îlankerdiş, bi selahîyetê walîyan amey kerdiş û heme îlankerdişê halo îstîsna zî bêhuqiq o, çimkî kam maddeyî ra îstîfade kenî dîyar nîya. Yanî walî eşkeno bi kêfî halo îstîsna îlan bikero û no nêzdîbîyîş hem mekaqanûnî ra hem zî huqiqê merdimatî ra eyqirî yo. Wazenê bi îlankerdişê halo îstîsna de şer meşrû bikerî.”
Polat destnîşan kerd ke heme heqê merdiman AKP îxlal kena û domna: “Nê îxlalkerdişî zî bi destê walîyan yeno kerdiş û halo asayî de bira halo îstîsna TBMM eşkena bigêra, la walîye gênî. Dijî kurdan huqiqê taybet a dewleta tirk est o, çimkî dewlet û AKP kurdan zey terorîst vînenî, no zî Peymanê Mîyanêneteweye ra eyqirî yî.”
Sûcê merdimatî
Polat qalîkerdişê xo wina peynî kerd: “Çi heyf ke Tirkîyaye de kesekê amey tayînkerdiş, kesê amey weçînayişî ra hîna berz yenî vinayiş. Çarçiweya konseptê şerî hemserekî yenî girewtiş û peynî zî wezîfeyê ra yenî eştiş. Nê kesê hetê şarî ra amey weçînayiş û no şarî temsîl kenî.”
Armancê înan îqtîdar o
Polat bal ant ser gefê hukimatî û qalîkerdişî xo ra wina verdewam kerd: “No zî demê AKPe de hîna aşkera yena vînayiş. AKP û serekkomar Erdogan wazenî şaranê Tirkîyaye ra şarê kurd zey gef nişan bidî, çimkî tena armancê înan îqtîdarbîyîş o. Ganîyo ke heqê serekkomar Erdogan, serekwezîr Davutoglu, walî û mudirê emnîyetan û heme kesê verpersîyar de cipersayiş bêro akerdiş. Çimkî nê kesî bi aşkera sûcê merdimatîyî şuxilnenî.”