Taybetê rojê peynî de aşkerayê hukimatê ser Tirkîya de êdî şer yeno behskerdişî û do şer de tewr gird zirarê domanî bivînê la no raştî ameyo vîrkerdişî. 6,7,12 û 14 serrê domanan şerî ser qise kerdî.
Seyhan a Edeneyî ra 7 serra Denîz Tavîlogullari rîyê lêmin a şerî ser vat ke a 7 serra ya û a nêwazena Tirkîya de hewna şer dest pê bikero, a wazena dinya cayeke weş biba la polîsîy her roj taxê înan ra bombeyê gazî erzeno, tikey mendbî rîyê bombeyê gazî polîsê birayê ci Rengî bixeniqo, her roj ser taxê înan helîqopter firenî û ê vengê balafir û helîkopterî ra ê zaf tersenî.
Dinyayeke weş
Denîz wina vat: “Qey dinyayê ma lêmin kenî, koyan rijnenî, heywan û daran veşnenî. Heywan û darê gune nîyê, şima qey ona kenî? Erdogan key ona keno, doman, lejker û gerîla mirenî. Ma nêwazenî çew bimrîy. Ma seba domanan dinyayeke weş wazenî. Ma dinyayê xo de şer nêwazenî, ma aştî wazenî. Ma qey merdiman kişenî û şima qey şer kenî?”
Hewna 14 serra Dîlara Tan zî aşkera kerd ke zatî malbatê ci her tim maxdûrî şerî bîyo, no ser zî qet domaneya xo nêciwaya û wina vat: “A roje ma verê berê xo de roniştî, polîsan bombeyê gazî eştî, rîyê gazê ser ma maxdûr bîyê. Qey ona kenî ma fam nêkerd? Ma nêeşkenî verê banê xo de daxî biroşî. Domanan senî yew dinye bidê, ez nêzanena? Ma nêwazenî mîyanê kayanê xo de kay bikerî, her roj polîsê banan ra hêriş kenî. Kekoyê ma tepişenî, ma persenî qey kekoyê ma tepişenî?”
Erdogan ra veng
Tan dîyar kerd ke ê êdî nêwazenî rîyê şer ser merdimî bimrî, êdî ê azadî û aştî wazenî, aştî û azadî heqê înan o la Erdogan aştî nêwazeno û no dergî qise xo: “Ma tersî ra êdî nêeşkenî birawkî, sekî ma ra hêriş bêro kerdişî, qet xuzirê ma nêmend. Ma çeteyê DAIŞî ra tersenî, Erdogan ti qey ona kenî. Ez to ra veng dana, ti çi wazenê ma ra? Mîyanê taxanan de polîsê bilasemed bombeyê gaz û çek şuxulnena. Êdî bes o ma şer nêwazenî, ma aştî û azadî wazenî. Ma êdî nêeşkenî teber de kay bikerî. Ma şer nê demîldest çareserî wazenî. Ma nêwazenê nê gerîla nê zî lejkerê ma bimrî. Ma kuçeyan de azadîyê reyde kaybikerî.”
Ma tena aştî û azadî wazenîy
9 serra Adnan, 6 serra Jiyan û 12 serra doman zî aşkera vatî ke êdî taxê xo de polîs, bombeyê gaz û panzer nêwazenî, çimkî cuyayişê înan binê teluke de yo, ê aştî wazenî qey ona kenî, ê zî zey merdimê azad wazenê biciwî, xeyalê înan zî esto, şer nêwazenî ke merdim nêmrî, înan zaf tersnenî, qey pîlanê înan şer kenî fam nêkenî?