Ewro 29ê Hezîranî yo. Tarîxê Kurdîstanê de yew roje zaf muhîm o.Tarîx de tayî bîyayîş estî, deqê xo danî tarîx ra. 29’ê Hezîranî rojek hina yo. Nê bîyayîşî yew bi yewî hinayê:

1- 29ê Hezîrane 1925î  de aliqnayîşê Şêx Seîd û 46 hevalê Şêx Seîdî

2- 29ê Hezîrane 1999an de dewleta dagîrker a tirk cezayê îdamî da Serok Apo. 

3- 30ê Hezîrane 1996î de çalakîya Zîlan. 

Nê bîyayîşan ra aliqnayîşê Şêx Seîd û hevalê eyê de qiseyê ke înan kerdî, her yew qiseyî qey şarê kurdî û tornê  Şêx Seîd înan yew manîfestoyê. Yew zî nêvatibi ma poşmanî. Pêronê înan vatibi, Ma qey Kurd û Kurdîstanê canê xo danî. Kurdîstan welatê mawo. Dewleta tirk dagîrkera. Do Kurdîstan awanbibo û bicuyo. Dewleta tirkî birijîyo. 

Şêx Seîd zî vatibi, “Do tornê ma, ma nîdenê şermekerdiş, biwirzenê wi û qesasê ma bigerenê.” Şêx Seîd û havalê eyê senî vatibi, eynî hina bi. Tornê înan 1970’an de rêxistinbîyê, PKK awankerd. Destpêkerd û gam bi gamî Kurdîstan awankenî. Qesasê înan genî. Azadîyê Rojavayê Kurdîstanê nêzdî bîyo. Tornê Şêx Seîd zereyê Sûr-Amedî de qirre eskerê tirk ardî. Tornê Şêx Seîdî, dew, bajar, ko û deştê Kurdîstanê de şew û roj şerkenî. Wesîyete Şêx Seîd înan anîca. Pêronê dinya ser egîdîyê keyna û lajê kurdî YPG û YPJ’îyayn  yê Rojavayê Kurdîstanê qiseykenî. 

Çîyo baldar oyo ke dewleta tirkî rojê aliqnayîşê Şêx Seîd û hevalê eyê de cezayê aliqnayîş da Serokê Şarê Kurd Abdullah Ocalanî. Dewleta tirkî nê hetî ra zaf kîndar û kezew reşa. Rojê hina sey rojê qesasgirewtişê şuxulnena. Vana mi kam rojî de çi ardo serê baw û kal, pîr û pîrîkê to, ez eynî çîyê ana serê to zî. Hina tarîxê xo dubare kena. Feq neyartî ra veranîdana. Dewleta tirkî dewleta hinaya.

 Wextê Şêx Seîd de bi nameyê Şerq Îslehet Planî û Pêçar Tenkîl Hereketî hêrîşê hetê Amed û Çewlîg kerdibi. Qirkerdiş kerdibi. Ewro zî ser Amed û Çewlîg de eynî sey û çaxî hereketê qirkerdişî ramena. Nika caya ke 1927 de Pêçar Tenkî Hereketî viraştîbî, nê rojan de eynî cayan de operasyonê ke zaf gird kena. Yane hetê Dara Hênê, Henî, Licê, Pasûr, Karaz û Ferqîn de hem pê teyaran bombe kena. Hem dewan veşnena. Hem zî bi des hezaran eskerî operasyon kena.  Dewleta tirk vana qey tornê Şêx Seîd înan sey verênanî xo yê. Vana mi senî verênan înan binvistî ez înan zî hina bivisnena. Xo xapînena.

La tornê Şêx Seîd hevalê eyê zî sey verênan xo nîyê. Tarîxê Kurdîstanê û tarîxê dewleta dagîrker a tirkî zaf dersî vetî.  Hem zanayîşê înan ê sîyasî, hem zî ê xoverdayîşî zaf xurtbîyo. Lez lez nîyenî kayê dewletê tirkî. Zanî senî dewleta tirkî ra qesas bigerenê. Nê tornê înan ra yew zî Zîlan bî. Zîlan, Dersîm de hembere eskerê tirkî hina yew çalakî kerdî ke ,mezgê neyarî de xo teqna û mezgê neyarî vila kerd. Hem zî rojê eliqnayîşê Şêx Seîd înan de. 

Nika Kurdîstan de bi hezaran Zîlanî estî. Şerê bajaran de Amed-Sûr, Cizîr û Nisêbîn înan de egîdîya ke Çîyager, Nûcan Meletî, Mehmet Tunç, Asîye Yuksel, Zamanî  Çamak înan kerda, her egîdîya înan sey egîdîya Zîlan bî.  Tornê bîn zî wesîyetê Şêx Seîd înan anîca. Şêx Seîd înan nêdanî şermkerdiş û qisasê înan genî.