Rojanê peynî de pawitox, way û birayê Ocalanî çend reynî serva pêdiyayişî serpirodayişê sazgehanê eleqedar kerdî, la belê na waştena înan red bî. Na qorî pawitoxan serpirodayişê Destûra Esasîn ê Tirkîye kerd.
Raya pêdiyayişî akerê
Qewimyayiş û spekulasyonanê peynî yê medyaya tirk ra dima çimê Kurdistanijan açarnîya Îmralî û weşîya Rayverê Şarê Kurd Abdullah Ocalan'î ser. Badê hewldanê derbe, pawitox, way û birayê Ocalan'î serva ke şirê Îmrali kewtî miyanê hereketî û çend finî serpirodayişê tirk ê Bûrsa kerdî. La belê sersawciyin her finî bi behaneyanê cîya û kêfî waştena pêdiyayiş red kerd. Pawitoxanê Ocalan'î israrê şîyayişê Îmrali ra fek nêvirada û bi gumanê weşîya Ocalan'î serpirodayişê MDE ê Tirk da.
Pawitoxan wasten-nameyê xo ê 20 rîpelî de, serva haştî û çarekerdişî eleqe antî rol û muhîmîya Ocalan'î ser û vistî vîr ke, heqê tewr esasî ê muwekîlê înan yeno binlingkerden. Pawitoxanê qalê spekulasyonê medyaya tirk yê zey ‘derbekaran Ocalan zî kerdbî hedef’ kerd û waştî ke, qerarê tedbîrî bîro dayen û raya pêdiyayişî abîyo.
DÎHA/AMED