Adirê Zîndana Amedî verba heme jahrî ra, şarê kurdan ra bi derman. Kilaya adirê Zîndana Amedî heme koyê Kurdistanî roşne kerdî. Tanya Adirî koyî refişnayî. Xoverodayîşê 14’ê Temmuzî verba îxanetî ra û teslîmgirotiş ra, zincîra zulmanê hinzar serrî şikîti û perçe kerdî. Seba şarê kurdan ra hînê yew ciwîyayîş o newe dest pê kerd.

Cûntaya 12’ê Êlule bi taybetî Zîndana Amedî xo rê heremê pîlotî weçîna. Çimkî hema hema bi zafin ra heme pêşengê PKK Zîndana Amedî de binê esaretî de bî. Nê sebep ra zî fikirîyayîşê dişmenî hem zahf sinsî û hem zî zahf alçax bi. Dişmenî xo bi xo vatê, kabeyê kurdan Zîndana Amedî yo, eke ez nê kabeyê kurdan birişna tar û mar bikera se, kurdî hînê binê herre de vinî benê, ma serê înan zî beton kenê. Hînê kurdî zî umur bîlahî xo nêhesîyenê û esametê kurdan zî nêmaneno. Nê planê dişmenî ra qahramanê camêrdê kurdan bi xoverodayîşê ganê û bedenê xora ser û bin kerd.

Qehremanê şarê kurdan planê dişmenî weş fam kerd bi. Bi verên ra, verba nê îhanetî ra şêrê kurdan Mazlum Doganî xo can feda kerd û mesajê xo hîrê çupê kibrîtî rey de day. Kilaya hîrê çupan berz bî û tira dimra zî 18’ê gulane de Şewa Çarine de Ferhat Kurtay, Mahmut Zengîn, Eşref Anyik û Necmî Oner ganê xo, bedenê xo adir kerd. Nê Adir mezgê dişmenî de hewayê virsoyî hakewt. 14’ê Temmuzî de zî de Xeyrî Durmuş, Kemal Pîr, Akîf Yilmaz û Alî Çîçek rihê xo, ganê û bedenê xo girewa veyşaneyî ya mergî ra rana û menîfestoyê kurdan sernawera nusna. 

Çerxê dîyaletîkê şorişê kurdan sernawera raşt bi. No sebeb ra zî xoverodayîşê rihê 14’ê Temmuzî xoverodayîşê 15’ê Tebaxî, xoverodayîşê Bêrêtana nû Zîlanan hîna zaf berz bî. Dîrokê têkoşîna kurdan de, xoverodayîşê zîndanî û xoverodayîşê koyan têrey de berz bî. Ewro zî bi mîlyonan ra rihê Xoverodayîşê 14’ê Temmuzî ra hêzê xo gêynê. 

Xoverodayîşê 14’ê Temmuzî sernawera bîyayişê şarê kurd o. Rihê 14’ê Temmuzî bi merdiş ra sernawera cuyayîş virazîya. Ewro zî ma deyndarê nê rihê canfedayanê. Bi wesîleyê serrgêra 14’ê Temmuzî ra,  ganî şarê kurd pêvajoyê neweyî ra wayîr bivejî yo. Ewro zî dişmen xo dibare keno. Ser Rayverê Şarê Kurd Abdullah Ocalan Girawa Îmralî de polîtîkaya tecrîtî û îmha dewam kena. 

No tecrît û îmha ewro heme şaristananê Kurdistanî de dewam keno. Eke no warî de şarê kurd îradeyê xo ra rayverîya xo ra wayîr nêvejî se, no warî de tehlîkeyo gird şarê kurd paweno. Nayî ra  şarê kurd eşkeno ke, hewayê rihê xoverodayîşê 14’ê Temmuzî ra nê polîtikaya qilêrine ser û bin bikero. 

Heme zîndanan de dişmen hewayê cuntaya 12’ê Êlulî ra sernawera tadayî û îşkence dest pê kerdo. Çi wext dişmene ke tebera zor û zordarîya xo rewşa îmha û înkarî virazo se, eynî wexti de zî eynî çî zindanan de zî virazîyeno. 

Ganî rihê 14’ê Temmûzî sernawera ganî bo û şad bo. Rihê xoverodayîşê 14’ê Temmuzî veng dano heme kurdan. Çimkî no warî de sewbîna weçînetî nêmenda. Wa bicuwî yo rihê xoverodayîşê 14’ê Temmuzî.



Zaza Cebelî