Kampê Koçberan yê Rubarî 27ê teşrîna verêna 2014 de qezaya Şêrawa ya Efrînî de, dewa Basîlî de awan bîbî. No kamp de bi giranî bextwaştoxê ke cayanê cîya-cîya yê Sûrîye ra ameyî, manenî.
Nika pêro pîya 500 keyeyî kamp de estî. Îmkanê Îdareyê Xoserî zî seba lazimîyanê kampî qîm nêkeno. Cok ra seba hetkarî tim veng dano hêzanê mîyanneteweyî, la heta nika hêzê mîyanneteweyî bêveng mendî. Seba ke kampan de lincî zaf o, reyna karê tewr zehmet keweno milê dayîkan ser de. Kesê ke kamp de manenî debara xo ya keyeyî bi heywanankarî kenî. Muhammed El Ahmeto doman zî vano ‘ma bi heywanan debara xo kenî, sewbîna rayîr çin o’. Kamp de lazimîya cereyanî bi panelê enerjîya tîje yena peydakerdiş. Heto bîn ra kamp de perwerde dewam keno. 5 mamostayî bi hetkarîya Komîteya Karê Komelkî ders danî wendekaran. Mekteb de 543 domanî ders vînenî û mekteb sinifa 1. ra heta 6. dewam keno.
ANHA/EFRÎN