Hemşaredara Dersîm Nurhayat Altûn ra piya xeylê cenî ver PTT de ameyî pêhet û pê yo eşkerakerdişê çapemeniya kart şawitî. Dersîm de yo hefta çalakiyê 25 ê Mijdar’î ramene.
Amed de bernameyê 25ê Mijdar
Amed Licê de Meclîsê Ceniyan ê Şaredarî bernameyê xo kerdê eşkera û semedê tewirbiyayişê çalakiyana veng da ceniyan. Gorê bername, hetanê 25 ê Mijdar derheqê ‘tekoşînê ceniyan’ û ‘şîdeta verra ceniyan’ de panel virazyenî û sinevizyon miyejniyenî.
KJA ceniyan dawetê Nisebîn kerd
Heto bîn ra KJA giredayê Merdîn piyerê rexistenê ceniyan ê Kurdistan û Tirkiye Nisêybîn re dawet kerdî.
Nisêybîn de de qedexeyê vejiyayişê kûçeyan rojê 8. de rameno. No ridra azayanê KJA yo kombiyayişê çapemenî viraşt. Hemseroka DBP ê Merdîn Perîhan Agaoglu, hemseroka HDP ê Merdîn Aysel Erol, hemşaredara Merdîn, Februniye Akyol Akay û aksivistê KJA tewrê kombiyaişî bî. Eşkerakerdiş de vaciya ke Nisêybîn de hatan inkê 3 sivîl kişiyay û bi desan darbijinî estî. Semedê komkiştenan vindartişa, ma roja şemê şinî Nisêybîn û piyerê rexistenanê ceniyan zî dawet kenî.
Bacaranê Tirkiye de 25ê Mijdar
Sûkanê Tirkiye de zî hadreyinê nûmayişê 25ê Mijdarî ramenê. Stenbol û Îzmîr de ceniyan semedê tewrbiyayişê çalakiyan veng da ceniyan. Stenbol de rayberiyê KJA de çalakiyê roniştiş viraziya. Çalakî pê sloganê “Ma hay kuçeyan de, tekoşîn kenê, erîşkaran ra hesap persene” Avcilar de viraziya. Pênî çalakî de vatoxê KJA Gonul Gulbaş qal kerd û cayê îdareyê xoserî selam kerdî û vat: ‘Îdarê xoser heqê şarano. Gulbaş semedê tewirbiyayişê çalakiyana veng da ceniyan û vat; gerek piyerê cenî vecî meydanan û vengê xo berz bikerî. Îzmîr de zî rêxistenanê ceniyan semedê 25 ê Mijdar’ a veng da ceniyan. Ceniyan waşte ke piyerê cenî verva şîddet camiyerd-dewlet veciyê meydanan û vengê xo berz bikerî. Îzmîr de 25 ê Mijdar de Garê Alsancak de şiyayiş virazyen. La cenî hatan na roj, veng nêvendenî. Qezayanê Bûca, Bornova, Konak, Karşiya û Çîglî de çalakiyan virazenî. Edena de zî azayanê Platforma Ceniyan ê Edena tepişteyê ceniyan rê kart şirawitî. Ceniyan ceniyê ke komkiştenê Pîrsûs û Enqera de bi darbijînî, ê zî xo vîra nêkerdî û ci rê kart şawitî.
NAVENDÊ XEBERAN